JOSUA 10:37 - BIBEL JAMITA NA DENGGAN

³⁷ lalu mambuatsa. Hona bunu ma sudena rajana dohot sandok halak na adong di kota i dohot di angka kota na asing na humaliang kota i. Dironcohon si Josua do sandok kota i laing songon na nibaennia maradopkon kota Eglon. Nada adong umpe sahalak na dipadiar mangolu disi.

JOSUA 10:37 ပူးပေါင်းရင်းမြစ်များ

HARURUAR 17:13

Ujungna talu ma sude halak Amalek i dibaen si Josua.

JOSUA 10:28

Di ari i, diporangi si Josua ma Makeda lalu ditaluhon ia rap dohot rajana i. Dibunu ia sude halak na adong di kota i; umpe sada halak na dipadiar mangolu. Laing songon na nibaen ni si Josua tu raja ni Jeriko do dibaen ia tu raja ni Makeda.

JOSUA 10:35

Laing di ari i do dapot halahi kota i lalu dibunu sude halak na disi songon na nibaen ni halahi di Lakis.

JOSUA 10:36

Sian Eglon, manangkok ma si Josua dohot angka tentarania i tu dolok mandapotkon kota Hebron, mamorangi kota i

JOSUA 10:38

Dung i, mulak ma si Josua dohot tentarania i lalu kehe mamorangi Debir.

JOSUA 10:39

Dibuat si Josua ma kota i dohot rajana maradu sude angka kota na asing na humaliang i. Hona bunu do sude jolma na disi. Songon na nibaen ni si Josua tu Hebron dohot Libna maradu rajana i, laing songon i do dibaen ia tu Debir dohot rajana i.

JOSUA 10:40

Dipatunduk si Josua sude luat i. Ditaluhon ia angka raja na di bagian pardolok, na di robean ni dolok sabola Habincaran, na di pat ni dolok sabola Hasundutan, songon i muse na di angka padang-padang sabola Selatan. Sada halak umpe dipadiar ia mangolu; sude do dibunu. Songon i do antong parenta ni Tuhan, Debata ni Israel.

JOSUA 11:12

Dirampas si Josua ma angka kota i sudena. Ditangkupi rajana i lalu dibunu, hombar tu parenta ni si Musa, naposo ni Tuhan i.