JOSUA 10:25 - BIBEL JAMITA NA DENGGAN

²⁵ Dung salpu i, didok si Josua ma tu angka panglimania i, “Ulang hamu mabiar jana ulang gamang. Angkon pos rohamunu jana barani, angke songon on ma baenon ni Tuhan sude angka musumunu.”

JOSUA 10:25 ပူးပေါင်းရင်းမြစ်များ

MASMUR 63:9

Hape anggo angka jolma na giot mamunu au manuat noma i tu inganan banua toru.

MASMUR 77:11

Sai paingot-ingotonku do angka pambaenanMu, ale Tuhan, huingot do angka pambaenanMu na pahomangkon di hatiha na salpu.

SURAT NI SI PAULUS TU PARLAGUTAN ROM 8:37

Tapi di bagasan sasudena i, na monang situtu do hita markite-hite Ia na dung mangkaholongi hita!

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

JOSUA 10:8

Jana didok Tuhan ma tu si Josua, “Ulang ho mabiar tu halahi. Madung Hulehen di ho hamonangan, hara ni i umpe adong sahalak na tarbaen tahan mangalo ho.”

1 SAMUEL 17:37

Na dung dipalua Tuhan do au sian singa dohot gompul, laing paluaonNia muse ma au sian halak Pilistin i.” Dung i didok si Saul ma tusia, “Antong denggan, sai didongani Tuhan ma ho nian.”