Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JOSUA 10:20 - BIBEL JAMITA NA DENGGAN

20 Dibunu si Josua dohot angka halak Israel i ma angka halak Amori i, tapi laing adong dope sian tonga-tonga ni musu i na bisa masuk jana martabuni di angka tembok ni kota ni halahi gabe nada hona bunu.

အခန်းကိုကြည့်ပါ။ ကော်ပီ




JOSUA 10:20
12 ပူးပေါင်းရင်းမြစ်များ  

Dung i didok raja i ma tu si Abisai, “Sumusa dope hita baenon ni si Seba ulang pado si Absalom. Antong anggo songon i, oban ma paranganki jana kojar ma si Seba, anso ulang jabat diingani ia angka kota na marbenteng jana malua sian hita.”


Masuk muse ma Raja Ahab tu parporangan na hebat i, disego-segohon ia ma angka kareta porang jana diparmatehon ia ma angka kudona i. Anggo di ari i mangarasoi hataluan godang ma halak Siria i.


Godang do antong hataluan na nibaen ni si Abia dohot pasukannia i di halak Israel; lima ratus ribu parajurit na dumenggan mate.


Palu hamu ma sarune di sude luat on! Tangkas ma marsurak jana marsora na gogo. Suru hamu ma halak Juda dohot Jerusalem marlojong tu angka kota na marbenteng.


“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.


Tapi muda angka kota na adong di luat na giot silehenon ni Tuhan i do tu hamu na giot taluhononmunu, jadi angkon bunuonmunu do sude halak na mangingani kota i.


Dibaen Tuhan ma halak Amori i gabe mabiar so martontu, dung diida halahi halak Israel. Bahat do halak Amori na hona bunu di Gibeon i jana angka na mangolu i dope dikojar ma manuati lereng ni dolok na di Bet-Horon lalu tu Aseka dohot Makeda na di Selatan.


“tapi ulang maringanan disi. Kojar hamu ma torus musu i jana sian pudi ma diporangi halahi; ulang nipaloas halahi masuk tu angka kota ni halahi! Madung dilehen Tuhan Debatamu hamonangan tu hamu maralohon halahi.”


Dung i mulak be ma angka parangan ni si Josua mandapotkon si Josua di parbandaran na di Makeda. Umpe sada jolma di luat i na puluk mandok sanga na aha laho mangalo halak Israel.


Dirampas si Josua ma angka kota i sudena. Ditangkupi rajana i lalu dibunu, hombar tu parenta ni si Musa, naposo ni Tuhan i.


Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.


Dung sidung tentara ni Israel mamunu sude tentara ni musu na mangkojar halahi tu parhorsihan i, mangulahi ma halahi tu Ai, dibunu halahi muse ma sude halak na adong disi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ