JOSUA 10:19 - BIBEL JAMITA NA DENGGAN

¹⁹ “tapi ulang maringanan disi. Kojar hamu ma torus musu i jana sian pudi ma diporangi halahi; ulang nipaloas halahi masuk tu angka kota ni halahi! Madung dilehen Tuhan Debatamu hamonangan tu hamu maralohon halahi.”

JOSUA 10:19 ပူးပေါင်းရင်းမြစ်များ

2 SAMUEL 17:13

Sugari marlojong ia tu bagasan sada kota, buaton ni rayatta i ma tali jana saratonna ma kota i lalu dabuhonon ni halahi tubagasan rura na donok tu kota i. Sada batu pe nada adong na tading baenonna di ginjang ni tor i.”

2 SAMUEL 20:6

Dung i didok raja i ma tu si Abisai, “Sumusa dope hita baenon ni si Seba ulang pado si Absalom. Antong anggo songon i, oban ma paranganki jana kojar ma si Seba, anso ulang jabat diingani ia angka kota na marbenteng jana malua sian hita.”

JEREMIA 48:10

Hona bura ma sanga ise na so patuluskon karejo na sian Tuhan sian situtu ni rohana. Hona bura ma i na so manyintak podangna lalu mambunu.

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

JOSUA 10:18

“Gulang hamu ma batu na godang-godang tu baba ni liang i jana dibaen pangawal manjagoi disi,” ning si Josua,

JOSUA 10:20

Dibunu si Josua dohot angka halak Israel i ma angka halak Amori i, tapi laing adong dope sian tonga-tonga ni musu i na bisa masuk jana martabuni di angka tembok ni kota ni halahi gabe nada hona bunu.