JOHANNES 9:6 - BIBEL JAMITA NA DENGGAN

⁶ Dung didokkon Jesus songon i, marsitijur ma Ia tu tano, jana diluntak Ia ma tano i tu tijurNia. Dung i didaiskon Ia ma bustak i tu mata ni bayo i,

JOHANNES 9:6 ပူးပေါင်းရင်းမြစ်များ

JESAYA 35:5

Ungkapon ma mata ni na mapitung, sumuang ma parbinegean ni na maingol.

MARKUS 7:33

Dioban Jesus ma bayo i punjung sian halak na bahat i. Dibaen Jesus ma tanganNia tu pinggol ni bayo i. Dung i marsitijur ma Jesus, dijama Ia ma dila ni bayo i.

MARKUS 8:23

Gabe ditiop Jesus ma tangan ni na mapitung i, dung i ditogu Ia ma tu balian ni kota i. Dung i ditijuri Jesus ma mata ni na mapitung i, dipayakkon Ia ma tanganNia tu ginjang ni uluna i. Disapai Ia ma tu bayo i, “Ma adong he diida ho sanga aha saonnari?”

JOHANNES 9:11

Dialusi ia ma, “Bayo na margoar Jesus i, dibaen Ia saotik bustak di tano i, dung i didaiskon Ia ma bustak i tu matangku jana ning Ia ma, ‘Kehe ma ho marsuap tu tobat Siloam.’ Jadi kehe au. Jana disi marsuap au, marnida ma matangkon,” ning ia.

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.