JOHANNES 9:39 - BIBEL JAMITA NA DENGGAN

³⁹ Didok Jesus ma, “Laho mandalankon uhum do umbaen na ro Au tu portibi on; anso marnida angka na mapitung jana halak na marnida gabe mapitung.”

JOHANNES 9:39 ပူးပေါင်းရင်းမြစ်များ

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

JESAYA 44:18

Na santak do oto ni angka jolma na songon i. Na nitutup ni halahi do mata dohot roha ni halahi gabe nada diastui halahi sanga na aha.

JESAYA 6:9

Dung i disuru Ia ma au maroban tona sisongon on tu bangsoNia: “Torus do hamu sai manangihon, tapi nada mangastui. Sai torus do nian hamu mamparrohahon, hape nada diboto hamu sanga aha na masa.

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

MATEUS 6:23

Tapi muda rambon do matamu, gabe golap sajo ma sude pamatangmu. Jadi muda golap do torang na di bagasan dirimi, golap gulita noma i.”

LUKAS 1:79

Songon i ma dilehen Ia sinondangNia tu sude halak na mangolu di bagasan hagolapan dohot biar. Togu-toguonNia ma hita di dalan hadameon.”

LUKAS 13:30

Angka halak na parpudi i ma na gabe na parjolo. Jana halak na parjolo saonnari, i ma na gabe parpudi.”

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

LUKAS 7:21

Jadi hatiha i topet ma Jesus pamalumkon bahat halak sian nyaena be. Dipaorot Jesus angka tondi na jahat, na mapitung pe gabe marnida dibaen Ia mangulahi.

JOHANNES 12:31

Saonnari ma hatihana uhuman portibi on; taluhonon ma raja ni portibi on saonnari.

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

JOHANNES 3:17

Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

JOHANNES 3:19

Tapi on do panguhuman i: Madung ro hatorangan i tu tano on, tapi humolongan do roha ni jolma i tu hagolapan ulang pado hatorangan i, harana jahat do pangalaho ni halahi.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 8:15

Diuhumi hamu do halak mangihutkon pambaen ni jolma; anggo Au nada adong sahalak pe na Huuhumi.

JOHANNES 9:25

Didok ia ma, “Sanga pardosa sanga inda, nada huboto i. Tapi sada do na huboto: Na mapitung humani do au, saonnari madung marnida au.”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

2 KORINTUS 2:16

Anggo di halak na giot kehe tu hamagoan, sarupa tu uap ni bangke na mamatehon do hami; tapi anggo di angka na nipalua, songon uap na maroban tu hangoluan do hami. Antong, ise ma na tama tu karejo on?

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

2 TESSALONIKA 2:10

Pakeonnia ma sude bisuk na jahat laho paliluhon angka jolma na giot tu hamagoan. Uhumon ma halahi hara ni na so ra manjagit jana nada ringkot roha ni halahi di barita na sintong i na sian Debata, na tuk nian paluahon halahi.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

1 JOHANNES 2:11

Tapi halak na margoyak ni roha mida donganna, laing na di hagolapan dope i. Na mardalan di bagasan hagolapan dope i jana na so diboto ia do sanga na giot tu dia ia kehe, angke nada marnida ia dibaen hagolapan i.