JOHANNES 9:35 - BIBEL JAMITA NA DENGGAN

³⁵ Dibege Jesus ma na dung dipakaruar halahi bayo i sian bagas paribadatan. Jadi dung marsuo dohot bayo i didok Jesus ma tusia, “Porsaya dehe ho tu Anak Ni Jolma i?”

JOHANNES 9:35 ပူးပေါင်းရင်းမြစ်များ

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

MASMUR 27:10

Haru pe ditadingkon damang dohot dainang au, tapi anggo Debata sai tongtong do patureonNa au.

MATEUS 14:33

Gabe unduk ma angka anak siseanNia na di parau i marsomba tu Jesus. “Tutu do Anak Ni Debata Ho, Tuhan!” ninna halahi.

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

MARKUS 1:1

Songon on do Jamita Na Denggan taringot tu Jesus Kristus, Anak Ni Debata.

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 1:34

Jadi madung tangkas huida Ia jana madung husaksihon, ‘On ma Anak Ni Debata’.”

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 11:27

Dialusi si Marta ma, “Olo Tuhan, porsaya do au Kristus i do Ho, Anak Ni Debata na ro tu portibi on.”

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

JOHANNES 5:14

Dung i marsuo ma Jesus dohot bayo i di Bagas Ni Debata. Didok Jesus ma tusia, “Saonnari madung malum ho; ulang be datdati mardosa. Angke muda mambaen dosa dope ho, na jumatjat sian on dope taononmu saulahon.”

JOHANNES 6:69

Porsaya do hami jana marpos ni roha, Ho do Na Badia na ro sian Debata.”

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

JOHANNES 9:34

Dialusi halahi ma, “Himpal do ho halak pardosa mamungka sian ujung ni obukmu lopus tu palampak ni patmu sian hasosorangmu, giot ajaranmu ma he hami?” Dung i dipakaruar halahi ma ia sian bagas paribadatan i.

BAENON NI ANGKA RASUL 8:36

Di tonga dalan i lalu ma halahi tu sada inganan na adong aek disi. Didok parpangkat i ma, “Ligi pe da, adong do aek indi! Aha dope na hurang anso tardidi au?” [

BAENON NI ANGKA RASUL 8:37

Didok si Pilipus ma, “Anggo na dung porsaya do tuan i sian sandok roha, nada pola sala be tardidi tuan i.” “Porsaya do au Anak Ni Debata do Jesus Kristus,” ning bayo parpangkat na sian Etiopia i.]

BAENON NI ANGKA RASUL 9:20

Torus masuk ma ia tu angka bagas paribadatan, jana dipungka ia ma manjamitahon paboa Jesus i do Anak Ni Debata.

SURAT NI SI PAULUS TU PARLAGUTAN ROM 1:4

tapi mangihutkon hadebataon tangkas do ia Anak Ni Debata na gok hagogoan. Tanda sajo do i botoon markite-hite hangongotNia sian na mate i.

SURAT NI SI PAULUS TU PARLAGUTAN ROM 10:20

Umpuluk do si Jesaya mandok, “Madung padumpang dohot Au angka halak na so manjalahi Au; jana madung Hupatidahon diringKu tu halak na so marsapa taringot tu Au.”

1 JOHANNES 4:15

Sanga ise na mangoku Anak Ni Debata do Jesus, marsada ma Debata tu halakna i jana na maringanan do Debata di bagasan ia, jana ia di bagasan Debata.

1 JOHANNES 5:10

Hara ni i, sanga ise halak na porsaya tu Anak Ni Debata, madung dijagit Ia hasaksian on di bagasan dirinia; tapi anggo halak na so porsaya tu Debata, madung dibaen Ia Debata gabe songon pargabus, angke nada porsaya ia tu na nipatangkas ni Debata taringot tu AnakNia i.

1 JOHANNES 5:13

Hubaen pe surat on tu hamu angka na mangkaporsayai Anak Ni Debata anso diboto hamunu do na dung maruli ngolu na manongtong i hamu.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

1 JOHANNES 5:5

Ise ma he na tarbaen manaluhon hajahatan ni portibi on? Hum halak na mangkaporsayai bahaso na tutu do Jesus Anak Ni Debata.

3 JOHANNES 1:10

Muda ro au bagi na andigan, hataanku do taringot tu pambaenannia, i ma taringot tu angka pangalaho na jat dohot gabus na nihatahonnia taringot tu hami! Tapi nada tuk dope i disia. Dompak na ro angka dongan Kristen i, nada ra ia manjagitsa. Diantahi ia muse dope halak na ra manjagit angka dongan i jana disuru ia anso morot halahi sian parlagutan i.