JOHANNES 9:34 - BIBEL JAMITA NA DENGGAN

³⁴ Dialusi halahi ma, “Himpal do ho halak pardosa mamungka sian ujung ni obukmu lopus tu palampak ni patmu sian hasosorangmu, giot ajaranmu ma he hami?” Dung i dipakaruar halahi ma ia sian bagas paribadatan i.

JOHANNES 9:34 ပူးပေါင်းရင်းမြစ်များ

PAMUNGKAAN 19:9

Tapi didok halak Sodom i ma tu si Lot, “Morot ho, halak na ro do da ho! Ise ma he ho lakna umbaen na pabotohononmu tu hami sanga aha na giot baenonnami? Kehe ma ho morot! Anggo inda, anso hami balbali ho humancit sian tu sidua halak i.” Jadi dionjar halahi ma si Lot tu pinggir jana diroro halahi ma laho manombom pintu i.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

JOB 14:4

Tarbaen ma he jolma pardosa parohon na sanggam soada hurangna?

JOB 25:4

Tarbaen ma he jolma, denggan di jolo ni Debata? Tarbaen ma halahi pita di parnidaanNia?

MASMUR 51:5

Olo tutu do na jahat au mamungka sorang, dirajai dosa do au mamungka sian bortian.

HARURUAR 2:14

Dialusi halakna i ma, “Ise he mangangkat ho gabe pamimpin dohot hakim di hami? Adong he giot bunuonmu muse au, songon halak Mesir na nibunumi?” Gabe mabiar ma si Musa, ninna rohania, “Ah, madung diboto halak hape parkaro on.”

PODA 22:10

Paorot ma halak na sai tagi patubu-tubu layas jadi gabe mantak ma bada dohot na marsitilakoan.

PODA 26:12

Dao dope dumenggan halak na oto ulang pado jolma na mangetong dirina malo.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

LUKAS 11:45

Jadi adong ma sahalak sian Siboto Surat i na mandok, “Guru, madung diincahi Ho hami markite-hite na nidokMi.”

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

LUKAS 18:17

Tutu do na Hudokkon di hamu: Barang ise na so manjagit Harajaan Ni Debata songon dakdanak on, nada tarbaensa masuk tu bagasanna.”

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

JOHANNES 8:41

Na nibaen ni amangmunu; i do na nibaenmunu.” Dialusi halak Jahudi i ma, “Nada anak gampang hami. Hum sada do Amangnami, i ma Debata sandiri.”

JOHANNES 9:2

Disapai angka siseanNia i ma tu Jesus, “Ale Guru, ise do na mardosa, bayo on do sanga simatobangna, dibaen na mapitung ia sorang?”

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

JOHANNES 9:35

Dibege Jesus ma na dung dipakaruar halahi bayo i sian bagas paribadatan. Jadi dung marsuo dohot bayo i didok Jesus ma tusia, “Porsaya dehe ho tu Anak Ni Jolma i?”

JOHANNES 9:40

Jadi dibege halak Parise na adong disi do na nidok ni Jesus songon i, gabe didok halahi ma tuSia, “Na didok rohaMu do na mapitung hami on?”

GALATIA 2:15

Nian halak Jahudi do hami sian hasosorangnami, jana nada sian bangso na asing na indohan “na mardosa i”.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

3 JOHANNES 1:10

Muda ro au bagi na andigan, hataanku do taringot tu pambaenannia, i ma taringot tu angka pangalaho na jat dohot gabus na nihatahonnia taringot tu hami! Tapi nada tuk dope i disia. Dompak na ro angka dongan Kristen i, nada ra ia manjagitsa. Diantahi ia muse dope halak na ra manjagit angka dongan i jana disuru ia anso morot halahi sian parlagutan i.

3 JOHANNES 1:9

Madung hubaen sada surat na pendek tu parlagutan i, hape nada ra si Diotrefes na marpor ni roha gabe pamimpin ni parlagutan i mangihutkon na hudok.

HALUMBAAN 13:17

Sahalak pe nada tarbaen manobusi sanga manggadis bagi aha anggo nada adong disia tanda i, i ma goar ni binatang i sandiri sanga nomor ni goarnia.