JOHANNES 9:30 - BIBEL JAMITA NA DENGGAN

³⁰ Dialusi bayo i ma, “Hahomangan noma i anggo so diboto hamu be sanga sian dia asal ni Bayo i, hape madung marnida matangku dibaen Ia.

JOHANNES 9:30 ပူးပေါင်းရင်းမြစ်များ

MASMUR 119:18

Ungkap ma matangku anso huida di bagasan TonaMu pangajaran na pahomang roha.

JESAYA 29:14

Hara ni i, baenonKu ma parkaro halongangon tu bangso i, halongangon na pahomangkon roha. Gabe maoto ma halak na marroha, jana nada marguna be hamaloan ni halahi.”

JESAYA 29:18

Muda tarjadi songon i, begeon ni na maingol ma buku na nisise gogo, jana marnida ma na mapitung na malua sian bagasan hagolapan.

JESAYA 35:5

Ungkapon ma mata ni na mapitung, sumuang ma parbinegean ni na maingol.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MARKUS 6:6

Homang ma rohaNia hara ni na so ra i halahi porsaya. Dung i gabe kehe ma Jesus tu angka huta na donok-donok disi mangajari halak.

LUKAS 7:22

Jadi dialusi Jesus ma suruan ni si Johannes i, ning Ia ma, “Kehe ma hamu, paboa hamu ma tu si Johannes sanga aha na niida dohot na nibegemunu: Marnida do angka na mapitung, mardalan na pangpangon, malum na huliton, marbinege na maingol, na dung mate mulak dipangolu jana Jamita Na Denggan dibaritahon tu angka na pogos.

JOHANNES 12:37

Madung bahat sajo angka hahomangan dibaen Jesus di jolo ni halahi. Tapi haru songon i pe nada porsaya halahi tuSia.

JOHANNES 3:10

Dialusi Jesus ma, “Guru ni halak Israel ma ho, hape hum i pe so diboto ho?

JOHANNES 9:29

Anggo taringot tu si Musa tangkas do hami boto na dung mangkatai Debata tusia. Tapi taringot tu Bayo i nada hami boto sanga sian dia asal ni i.”

JOHANNES 9:31

Taboto do, na so ditangihon Debata do anggo pardosa. Hum halak na pasangap Debata dohot na patuluskon hagiotNia sajo do na nitangihon ni Debata.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.