JOHANNES 9:24 - BIBEL JAMITA NA DENGGAN

²⁴ Dung i dipiohon halahi ma mangulahi na sorang mapitung i hian, jana didok halahi ma tusia, “Oku ma di jolo ni Debata paboa ma dohot tigor, angke hami boto pardosa do Bayo i.”

JOHANNES 9:24 ပူးပေါင်းရင်းမြစ်များ

ESRA 10:11

Antong, oku hamu ma dosamunu tu Tuhan, Debata na nisomba ni angka ompunta i, jana patulus hamu ma sanga aha na pasonang rohaNia. Mandao ma hamu sian halak na asing na maringanan di luatta on jana paorot hamu ma angka dadaborumunu na sian bangso na asing i.”

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

MARKUS 15:27

Diparsilangkon halahi muse do rap dohot Jesus dua halak panyamun. Sada di siamunNia, na sada nari di siambirangNia. [

LUKAS 15:2

Jadi mungut-ungut ma halak Parise dohot angka Siboto Surat i. Didok halahi, “Dipardongan Ia do angka halak na so ture, mangan muse dope Ia rap dohot halahi!”

LUKAS 19:7

Mungut-ungut ma sude halak marnida pangalaho i. Didok halahi ma, “Kehe do Ia masuk tu bagas ni halak pardosa!”

LUKAS 7:39

Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

JOHANNES 18:30

Dialusi halahi ma, “Nada pola hami oban Ia tu Gubernur i anggo hara ni na so marsala.”

JOHANNES 19:6

Dung diida angka kapala ni malim dohot angka panjago i Jesus, marsurak ma halahi, “Parsilangkon i! Parsilangkon i!” ning halahi. Ninna si Latus ma mandok halahi, “Hamu ma mambuat dohot mamparsilangkonsa. Anggo au nada adong dapot au bagi na aha salaNia.”

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JOHANNES 8:46

Ise ma sian hamu na tarbaen mambuktihon paboa na adong dosa di Au? Muda hupaboa tu hamu taringot tu Debata, biasi inda porsaya hamu tu Au?

JOHANNES 8:49

Dialusi Jesus ma, “Nada na nisonggopan ni setan Au! Na pasangapkon Damang do Au, hape nada dipasangap hamu Au.

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

JOHANNES 9:25

Didok ia ma, “Sanga pardosa sanga inda, nada huboto i. Tapi sada do na huboto: Na mapitung humani do au, saonnari madung marnida au.”

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

JOSUA 7:19

Didok si Josua ma tu si Akan, “Ale anak hasian! Oku jana dokkon ma torus torang di jolo ni Tuhan, Debata ni Israel, sanga aha na nibaenmu. Paboa ma tu au, ulang bunihon.”

HALUMBAAN 11:13

Jadi ro ma lalo na gogo hatiha i di tano on. Maronco ma saparsampulu ni kota i jana mate ma dibunu lalo i pitu ribu halak. Angka halak na asing i na so mate dibunu lalo i, gabe mabiar situtu ma; jadi gabe dipuji halahi ma hagodangan ni Debata di banua ginjang i.