JOHANNES 9:18 - BIBEL JAMITA NA DENGGAN

¹⁸ Tapi laing nada porsaya angka parkuaso ni halak Jahudi i na mapitung hian ia, hape saonnari madung gabe marnida. Nada porsaya halahi anggo so jolo dipiohon halahi simatobangna,

JOHANNES 9:18 ပူးပေါင်းရင်းမြစ်များ

PAMUNGKAAN 19:14

Jadi kehe ma si Lot mandapotkon dua halak doli-doli tunangan ni borunia i, jana didok ia ma, “Ompoti hamu ma ruar sian kota on, harana giot abiskonon ni Tuhan ma kota on.” Tapi diambang halahi na margonjak do si Lot.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 53:1

“Ise ma porsaya tu barita na hami bege? Tu ise ma na dung dipataridahon kuaso ni Tuhan na gok sahala?

LUKAS 16:31

Tapi didok si Abraham ma tusia, ‘Muda so diampirkon halahi do si Musa dohot angka panurirang i, indangkon na ra halahi porsaya haru pe adong halak na mate mulak mangolu.’ ”

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

JOHANNES 9:19

jana disapai halahi ma, “Tutu dehe na sorang mapitung anakmon? Na bia do umbaen na gabe marnida ia saonnari?”

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

IBRANI 4:11

Hara ni i ringgas ma hita anso dohot hita masuk tu inganan paradianan i. Ulang jabat adong sahalak pe sian hita na madabu hara ni na mangihutkon tiruan na binaen ni na so porsaya i.