JOHANNES 9:17 - BIBEL JAMITA NA DENGGAN

¹⁷ Jadi hara ni i disapai halak Parise i ma sanoli nari tu bayo i, “Didok ho nangkin, Ia do na mambaen marnida matamu, antong bia do pandapotmu taringot tuSia?” “Panurirang do Ia!” ning ia mangalusi.

JOHANNES 9:17 ပူးပေါင်းရင်းမြစ်များ

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

LUKAS 24:19

“Aha na masa?” ninna Jesus. “I ma na masa tu Jesus halak Nasaret i,” ning halahi mangalusi. “I ma sada panurirang na markuaso situtu hataNa, dohot pambaenanNa pe margogo situtu – di jolo ni Debata dohot di jolo ni jolma pe.

JOHANNES 4:19

“Saonnari pe anso huboto, panurirang do hape Tuhan i,” ning anak boru i.

JOHANNES 6:14

Dung diida halak na bahat i hahomangan na nibaen ni Jesus i, ninna halahi ma, “On ma tutu panurirang na giot ro i tu tano on!”

JOHANNES 9:15

Jadi disapai angka halak Parise ma bayo i sanga bia dalanna umbaen na gabe marnida matania. Dialusi bayo i ma, “Diapuskon Ia bustak tu matangku, dung i kehe au marsuap paiaskon matangki, gabe marnida ma au.”

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

PANGARATAION 18:15

Tapi suruonNia ma tu hamu sian bangsomunu sandiri sada halak panurirang songon au on jana angkon oloanmunu do panurirang i.