JOHANNES 9:16 - BIBEL JAMITA NA DENGGAN

¹⁶ Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

JOHANNES 9:16 ပူးပေါင်းရင်းမြစ်များ

MATEUS 12:10

Adong ma disi sada halak na mate tanganna sabariba. Jadi disapai halak na manjalak-jalahi hasalaan ni Jesus ma Ia, “Atehe tola do pamalumon halak di hatiha Ari Sabat?”

MATEUS 12:2

Jadi dung diida angka halak Parise songon i, didok halahi ma tu Jesus, “Ligi ma, dibaen anak siseanMu do na so tola karejohonon di Ari Sabat.”

LUKAS 13:14

Muruk ma kapala ni bagas paribadatan i, hara ni na nipamalum ni Jesus halak di Ari Sabat. Didok ia ma tu angka halak na disi, “Onom ari honokna markarejo hita, marroan ma di angka ari i na giot sipamalumon, ulang ma hatiha di Ari Sabat!”

JOHANNES 10:19

Hara ni na nidok ni Jesus songon i gabe martongkari ma halak Jahudi i.

JOHANNES 14:11

Porsaya ma hamu di Au, na sada do Au dohot Ama i, jana Ama i dohot Au. Tapi porsaya ma hamu tu Au hara ni sude angka parkarejoan i.

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 5:10

Jadi hara ni i didok angka pamimpin ni halak Jahudi ma tu bayo na baru malum i, “Ari Sabat do da sadari on. Nada tola obanonmu lagemi.”

JOHANNES 5:36

Tapi adong dope di Au hatorangan na ummarga sian na nilehen ni si Johannes. Karejo na nidok ni Damang karejohononKu, i ma karejo na Hubaen saonnari, sudena i patorangkon bahaso Ama i do na marsuru Au.

JOHANNES 6:52

Gabe martongkari ma halak Jahudi sama halahi hara ni hata ni Jesus nangkinan i. “Bia do pangalehen ni Bayo on di pamatangNia i tu hita gabe sipanganon?” ninna halahi.

JOHANNES 7:12

Bahat ma hata-hata ni jolma na bahat i taringot tuSia. Adong na mandok, “Na burju do Ia.” Adong muse na mandok, “Nada, na paliluhon halak na bahat do Ia.”

JOHANNES 7:23

Muda disunat hamu halak di Ari Sabat, anso ulang mangalanggar Parenta Ni si Musa, biasi anggo songon i muruk hamu tu Au hara ni na Hupamalum sahalak di Ari Sabat?

JOHANNES 7:43

Ujungna gabe martongkari ma halak na bahat i taringot tu Jesus.

JOHANNES 9:24

Dung i dipiohon halahi ma mangulahi na sorang mapitung i hian, jana didok halahi ma tusia, “Oku ma di jolo ni Debata paboa ma dohot tigor, angke hami boto pardosa do Bayo i.”

BAENON NI ANGKA RASUL 14:4

Tapi marsalisi pandapot ma halak kota i na sada tu na asing; adong na mamihak tu halak Jahudi, adong muse na mamihak tu rasul i.