Modom ma ia borngin, ngot ma ia arian. Jadi disi ma same i martumbur lopus magodang. Tapi sanga na tarbia partumburna dohot parsimburna magodang same i, nada diboto ia.
Dialusi ia ma, “Bayo na margoar Jesus i, dibaen Ia saotik bustak di tano i, dung i didaiskon Ia ma bustak i tu matangku jana ning Ia ma, ‘Kehe ma ho marsuap tu tobat Siloam.’ Jadi kehe au. Jana disi marsuap au, marnida ma matangkon,” ning ia.
Jadi disapai angka halak Parise ma bayo i sanga bia dalanna umbaen na gabe marnida matania. Dialusi bayo i ma, “Diapuskon Ia bustak tu matangku, dung i kehe au marsuap paiaskon matangki, gabe marnida ma au.”
Tapi anggo taringot tu na gabe marnida ia saonnari, sanga tarbia dalan ni i nada hami boto. Jana sanga ise na mambaen gabe marnida matania i, i pe nada hami boto. Tusia ma sapai hamu. Madung tuk umurnia; madung tola ia mangalusi sandiri.”