JOHANNES 8:6 - BIBEL JAMITA NA DENGGAN

⁶ Disapai halahi pe songon i na giot padapotkon hasalaan ni Jesus do halahi. Tapi dipaunduk Jesus do jana disurat Ia tano i dohot jari-jariNia.

JOHANNES 8:6 ပူးပေါင်းရင်းမြစ်များ

PAMUNGKAAN 49:9

Songon singa do si Juda. Matehononna do soroanna, jana mulak tu asarna, marngeat ma ia lalu modom-modom. Nada adong umpe sahalak na puluk paorotkon ia.

MASMUR 39:1

Ning rohangku, “Manat-manat noma au di sibaenonku, jana nada be ra au mardosa di angka pandohanku. Nada ra au manghobari salolot donok halak parjahat i.”

PODA 26:17

Jolma na mangantoi partongkaran na so urusanna tudos do i dohot halak na manangkup pinggol ni anjing gila.

PARJAMITA 3:7

Adong do hatihana manyibak-nyibak dohot hatihana manjaiti; hatihana mangkohom dohot hatihana mandok hata.

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

DANIEL 5:5

Laing di hatiha i tarida ma jari-jari ni jolma na manyuratkon sisuratonna di dingding ni bagas godang i, di inganan na tumorang hona sinondang ni lampu, gabe tangkas ma i diida raja i.

AMOS 5:10

Goyak do rohamunu mida halak na mangalo hageduhan jana na mandok hata na tutu di paruhuman.

AMOS 5:13

Hara ni i halak na marpikir, sip do ia di hatiha i, harana hatiha na jahat do hatiha i.

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

MATEUS 15:23

Umpe sahata dialusi Jesus. Jadi ning halahi ma, “Paorot ma da anak boru i Guru. Hum na manggaori sajo do ia di pudinta!”

MATEUS 16:1

Ro ma halak Parise dohot halak Saduse mandapotkon Jesus. Na giot manjalak-jalahi hasalaan ni Jesus do roha ni halahi. Dipangido halahi ma anso dipataridahon Ia sada tanda sian banua ginjang.

MATEUS 19:3

Jadi ro ma da halak Parise laho manjalak-jalahi hasalaanNia. Disapai halak Parise i ma Ia, “Diisinkon Tona ni ugamonta dehe manyirangkon boru roha-rohaniba sajo?”

MATEUS 22:18

Diboto Jesus do na jahat roha ni halahi, jadi didok Ia ma, “Pangalancap do hamu! Biasi ma jalak-jalahanmunu hasalaanKu?

MATEUS 22:35

Jadi ro ma sahalak sian halahi Siboto Surat mancubo-cubo manjalahi hasalaan ni Jesus markite-hite sapa-sapa.

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MARKUS 10:2

Jadi ro muse ma halak Parise tusi laho manjalahi hasalaan ni Jesus. Dibaen halahi ma sapa-sapa ni halahi on, “Dokkon ma jolo di hami, tola do halak manyirangkon dadaboruna?”

MARKUS 12:15

Diboto Jesus do na mangakali halahi. Dialusi Ia ma, “Biasi pola diuji hamu Au? Patidahon hamu ma jolo tu Au hepeng perak i sada.”

MARKUS 3:2

Topet muse adong disi halak na giot manjalahi hasalaan ni Jesus, anso taraduhon halahi Ia. Jadi torus ma sai diparate-atehon halahi Jesus sanga na ra do Ia pamalumkon hatiha Ari Sabat.

MARKUS 8:11

Marroan ma angka Parise mandapotkon Jesus. Dipungka halahi ma marsoal dohot Ia laho manjalahi hasalaanNia. Dipangido halahi ma anso dibaen Jesus jolo hahomangan songon tanda bahaso na tutu jop roha ni Debata diSia.

LUKAS 10:25

Dung i jongjong ma sahalak Siboto Surat laho mangunjuni Jesus, ning ia ma manyapai, “Guru, aha ma he sibaenonku anso dapot au ngolu na manongtong?”

LUKAS 11:16

Adong muse do angka jolma i na giot manguji Jesus. Dipangido halahi ma tu Jesus anso dibaen Ia jolo hahomangan tanda na sian banua ginjang.

JOHANNES 8:2

Ancogotna i manyogot dope, kehe ma Ia mangulahi tu Bagas Ni Debata, jana bahat ma marroan halak mandapotkon Ia. Dung i juguk ma Ia, dipungka Ia ma mangajari halahi.

1 KORINTUS 10:9

Ulang ma tauji Tuhan songon na nibaen ni halahi narobi, gabe marmatean halahi diturbingi ulok na marbisa.