JOHANNES 8:46 - BIBEL JAMITA NA DENGGAN

⁴⁶ Ise ma sian hamu na tarbaen mambuktihon paboa na adong dosa di Au? Muda hupaboa tu hamu taringot tu Debata, biasi inda porsaya hamu tu Au?

JOHANNES 8:46 ပူးပေါင်းရင်းမြစ်များ

MATEUS 21:25

Sian ise do dijagit si Johannes kuasonia laho mandidihon? Sian Debata do sanga sian jolma?” Jadi marpikir ma halahi di bagasan rohana mandok, “Muda tadokkon, ‘Sian Debata’, gabe dohononNia ma tu hita: ‘Anggo songon i biasi inda porsaya hamu tu si Johannes?’

MARKUS 11:31

Jadi marpokat ma halahi. “Muda tadok, ‘Sian banua ginjang’ gabe dohononNia ma tu hita, ‘Biasi inda porsaya hamu di si Johannes?’

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 16:8

Jana muda dung ro Ia, pabotohononNia ma tu portibi on arti ni dosa na satutuna, arti ni hatigoran dohot arti ni panguhuman.

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 8:47

Sanga ise na ro sian Debata ditangihon Ia do na nidok ni Debata. Tapi anggo hamu nada sian Debata hamu, hara ni i ma umbaen na so ra hamu manangihon i.”

JOHANNES 8:7

Tapi dung sai disosak halahi, dipadorgak Ia ma uluNia jana didok Ia ma tu halahi, “Sanga ise na so mardosa sian hamu, padiar ma ia parjolo mandanggur anak boru on dohot batu.”

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

1 PETRUS 2:22

Nada jungada Ia mambaen dosa jana sahalak pe nada adong jungada umbege Ia margabus.