JOHANNES 8:36 - BIBEL JAMITA NA DENGGAN

³⁶ Muda dibaen Anak i hamu malua, i pe anso tutu hamu na malua.

JOHANNES 8:36 ပူးပေါင်းရင်းမြစ်များ

MASMUR 119:133

Patogu ma langkangku hombar tu baga-bagaMu, ulang padiar dirajai hajahatan au.

MASMUR 119:32

Sonang do rohangku giot mangoloi parentaMu, angke dibaen Ho do au mur mangastui.

MASMUR 19:13

Padao ma au sian dosa na nisangajo, ulang padiar au dikuasoi. Jadi gabe jolma na sun denggan ma iba, jana malua sian hajahatan ni dosa.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

SURAT NI SI PAULUS TU PARLAGUTAN ROM 8:2

Harana madung dipalua bako ni Tondi na pangoluhon i au sian bako ni dosa na mamatehon i. Tona Ni Tondi na mangalehen ngolu madung paluahon hamu di bagasan Kristus Jesus sian tona ni dosa dohot hamatean.

1 KORINTUS 7:22

Harana muda adong sada hatoban na porsaya tu Tuhan, i ma na gabe halak na dipalua jana Tuhan nampunasa. Laing songon i do halak na malua na dipio ni Kristus, i do na gabe naposoNia.

2 KORINTUS 3:17

Harana Tuhan i do Tondi i. Jadi barang di dia pe Tondi Ni Tuhan i, disi do adong haluaan.

GALATIA 5:1

Saonnari madung bebas hita, hara ni na dung dipalua Kristus hita! Hara ni i partahankon hamu ma habebasonmunu i jana ulang be ra hamu mangulahi diparhatoban.