JOHANNES 8:26 - BIBEL JAMITA NA DENGGAN

²⁶ Bahat dope na giot dokkononKu dohot uhumanKu taringot tu hamu. Tapi Hum na Hubege sian na marsuru Au, i sajo do paboaonKu tu portibi on – harana sintong do Ia.”

JOHANNES 8:26 ပူးပေါင်းရင်းမြစ်များ

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

JOHANNES 16:12

Bahat dope nian na giot dokkononKu tu hamu, tapi anggo saonnari nada tuk dope gogomunu laho manjagit i.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 18:20

Ninna Jesus ma mangalusi, “Tangkas do Au mandok hata di jolo ni halak na bahat. Sai mangajari do Au di angka bagas paribadatan dohot di Bagas Ni Debata di inganan ni halak Jahudi na somal marlagut. Nada unjung Hudokkon sanga aha di na buni.

JOHANNES 3:11

Tutu do na Hudok di ho: Na hami boto do na hami hatahon, jana na hami ida do na hami patorang; hape nada ra hamu manjagit na hami dok.

JOHANNES 7:16

Dialusi Jesus ma, “Sanga aha na Huajarkon i nada pangajaranKu i, tapi pangajaran ni na marsuru Au do i.

JOHANNES 7:28

Hatiha mangajari Jesus di bagasan Bagas Ni Debata, didok Ia ma, “Nian di tanda hamu do sanga ise Au jana diboto hamu sian dia harorongKu? Nada marhite roha-rohangKu sandiri umbaen na ro Au, tapi na nisuru ni Na Tigor i do Au, tapi nada ditanda hamu Ia.

JOHANNES 8:25

“Ise do Ho satutuna?” ninna halahi manyapai. Dialusi Jesus ma, “Aha dope gunana mangkobari Au dohot hamu!

JOHANNES 8:27

Nada diboto halahi, taringot tu Ama i do na nihatahonNia.

JOHANNES 8:40

Hasintongan na Hubege sian Debata, hum i sajo do na Hupaboa tu hamu, hape mur giot bunuonmunu dope Au. Anggo si Abraham nada dibaen ia songon i!

2 KORINTUS 1:18

Husumpahon ma tu Debata na sintong i, anggo janjingki tu hamu nada, “Olo” sanga “Inda”.