JOHANNES 8:24 - BIBEL JAMITA NA DENGGAN

²⁴ Hara ni i do umbaen na Hudok tu hamu, angkon mate hamu di bagasan angka dosamunu. Jana tutu do i angkon mate hamu di bagasan angka dosamunu, anggo laing na so porsaya hamu, ‘Au do ibana’.”

JOHANNES 8:24 ပူးပေါင်းရင်းမြစ်များ

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

MATEUS 24:5

Angke bahat do halak na ro mamake goarKu, jana dokkonon ni halahi ma, ‘Au do Kristus!’ Paoto-otoon ni halahi ma bahat halak.

MARKUS 13:6

Bahat do halak marroan mamake goarKu. Dohonon ni halahi ma, ‘Au do ibana!’ Gabe hona tipu ma bahat halak.

MARKUS 16:16

Malua ma angka na porsaya jana na nididi. Tapi anggo halak na so ra porsaya hona uhum do.

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

JOHANNES 13:19

Jolo Hupaboa hian do i tu hamu saonnari dompak so tarjadi dope, jadi muda dung tarjadi anso porsaya hamu Au do na nidok ni surat i.

JOHANNES 3:18

“Sanga ise na porsaya tuSia nada be uhuman ni Debata di adopan ni paruhuman. Tapi anggo na so porsaya madung ditoru ni uhuman ni Debata, hara ni na so porsaya ia tu Anak Ni Debata Na Sasada i.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

JOHANNES 4:26

“Au do Ia, na mangkataion dohot ho,” ninna Jesus.

JOHANNES 8:21

Didok Jesus dope tu halahi, “Kehe ma Au jana jalahanmunu ma Au, tapi mate ma hamu di bagasan dosamunu. Tu inganan hakeheanKu, nada tarbaen hamu ro tusi.”

JOHANNES 8:25

“Ise do Ho satutuna?” ninna halahi manyapai. Dialusi Jesus ma, “Aha dope gunana mangkobari Au dohot hamu!

JOHANNES 8:28

Jadi didokkon Jesus ma tu halahi, “Dung dipatuginjang hamu sanoli on Anak Ni Jolma i, botoonmunu ma disi, ‘Au do’ na nidok ni surat i. Disi pe anso tangkas diboto hamu na so adong sada pe na Hubaen i sian roha-rohangKu sandiri. Sanga aha na niajarkon ni Damang tu Au, hum i sajo do na Huhatahon.

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.