JOHANNES 8:23 - BIBEL JAMITA NA DENGGAN

²³ Dung i didok Jesus ma tu halahi, “Sian toru on do hamu ro; tapi anggo Au sian ginjang do. Hamu sian portibi on do; tapi anggo Au nada sian portibi on.

JOHANNES 8:23 ပူးပေါင်းရင်းမြစ်များ

MASMUR 17:4

Pangkuling ni parjahat nada hutiru, parentaMu huoloi jana na mangasahon gogo padaoonku.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 17:14

Madung Hupalalu tu halahi pangajaran ni Damang jana dihosom portibi on do halahi, angke nada portibi on nampuna halahi; laing sarupa ma i tu Au na so nampuna ni portibi on.

JOHANNES 17:16

Nada portibi on nampuna Au, laing songon i dohot halahi; nada portibi on nampuna halahi.

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 3:31

Ise na ro sian ginjang do di ginjang ni sudena. Na ro sian tano on, di tano on do, jana mangkobari do ia taringot tu tano on. Anggo na ro sian ginjang i, di ginjang ni sudena do.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?