JOHANNES 8:2 - BIBEL JAMITA NA DENGGAN

² Ancogotna i manyogot dope, kehe ma Ia mangulahi tu Bagas Ni Debata, jana bahat ma marroan halak mandapotkon Ia. Dung i juguk ma Ia, dipungka Ia ma mangajari halahi.

JOHANNES 8:2 ပူးပေါင်းရင်းမြစ်များ

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JEREMIA 25:3

“Mamungka sian taon patolu bolaskon dung mamarenta si Josia anak ni si Amon, raja di Juda, lopus tu sadari on, jadi madung dua pulu tolu taon honokna, hata ni Debata dipalalu tu au, jana nada unjung lupa au palaluhon hata i tu hamu, tapi nada ra hamu manangihonsa.

JEREMIA 32:33

Madung ditadingkon halahi Au jana haru pe Huajar halahi marpupu, nada ditangihon halahi i jana nada ra mangastui.

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

MATEUS 26:55

Dung i didok Jesus ma tu halak na bahat i, “Ro hamu laho manangkup Au maroban podang dohot potuk-potuk. Halak na jahat dehe Au lakna? Ganop ari do Au mangajari di Bagas Ni Debata hape nada ditangkup hamu Au!

LUKAS 21:37

Di Bagas Ni Debata do Jesus arian i mangajari tapi dung borngin kehe ma Ia tu Dolok Zetun jana disi do Ia marborngin.

LUKAS 21:38

Ganop manyogot do marroan halak na bahat tu Bagas Ni Debata laho umbege Jesus mangajari.

LUKAS 4:20

Dibalun Jesus ma mangulahi buku i laho paulakkon tu parkobas na disi, dung i juguk ma Ia. Sude ma halak na disi marsiligi tuSia.

LUKAS 5:3

Masuk ma Jesus tu sada parau, i ma parau ni si Simon, laing disuru Ia ma si Simon mangonjar parau i dumao saotik sian topi ni dano i. Juguk ma Jesus di bagasan parau i, gabe sian i ma diajari Ia halak na bahat i.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 8:20

Sudena i didok Jesus, hatiha mangajari Ia di Bagas Ni Debata di lambung ni poti hepeng. Tapi sahalak pe nada adong na manangkup Ia, angke nada podo dapot hatihana.

JOHANNES 8:3

Jadi laing di hatiha i marroan ma angka Siboto Surat dohot angka Parise maroban tuSia sada anak boru na tardapot markamainan. Dipajongjong halahi ma anak boru i di tonga-tonga,

BAENON NI ANGKA RASUL 5:21

Dioloi halahi ma hata i. Sogot dope manyogot i kehe ma halahi tu Bagas Ni Debata, mangajari ma halahi disi. Jadi ro ma Malim Godang i dohot angka donganna i, dibaen halahi ma rapot pangurus ni ugamo rap dohot hatobangon ni halak Jahudi. Dung i disuru alap halahi ma rasul i sian hurungan.