JOHANNES 8:17 - BIBEL JAMITA NA DENGGAN

¹⁷ Tarsurat do di angka Tona i songon on: Na tutu do na ni saksian ni dua halak.

JOHANNES 8:17 ပူးပေါင်းရင်းမြစ်များ

1 RAJA-RAJA 21:10

Suru hamu ma dua halak na jahat juguk di jolonia jana ditudu ma ia na mamurai Debata dohot raja. Dung i oban hamu ma ia tu balian ni kota jana nidangguran ma ia dohot batu lopus mate.”

BILANGAN 35:30

Di bagasan parkaro na mamunu, halak na asing, anso tarsalahon ia jana anso tola diuhum mate, angkon adong dua halak sanga lobi manyaksihon i. Hum sahalak saksi nada tuk manyaksihon sanga na tutu na nituhaskon i.

MATEUS 18:16

Tapi muda inda ditangihon ia, oban ma sahalak sanga dua halak nari, anso gomos angka hata ni dua sanga tolu halak saksi i.

JOHANNES 10:34

Dung i didok Jesus ma mangalusi, “Inda he tarsurat di Buku Tona i: Madung Hudok, ‘Angka debata do hamu’?

JOHANNES 15:25

Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

2 KORINTUS 13:1

Patolu-nolihonon ma ro au mandapotkon hamu. Di Buku Na Badia i adong do tarsurat, “Sanga na parkaro aha pe na niaduhon, angkon adong do dua sanga tolu saksi na patorangkon, baru pe anso sah parkaro i.”

GALATIA 3:24

Songon parorot na mamodai hita do Tona i lopus lalu tu Kristus, na patigorkon hita markite-hite haporsayaanta i.

GALATIA 4:21

Tangihon hamu ma jolo na hudok on, hamu angka na giot mangolu di toru ni kuaso ni Tona! Adong he na so jungada do dibege hamu Buku Tona i.

PANGARATAION 17:6

Tapi angkon adong do dua saksi sanga lobi anso tola ia bunuon; anggo hum sada halak sajo do saksina, nada tola dope ia bunuon.

PANGARATAION 19:15

“Nada tuk sada halak sajo saksi laho patorangkon sada halak na hona tuhas marsala, na ummotikna dua saksi porlu di pangalaho i.

IBRANI 10:28

Sanga ise na so burju mangoloi angka Tona Ni Debata na nipasahat ni si Musa, nimatehon sajo do i nada adong ampunan, muda tardapot ia marsala disaksihon dua sanga tolu halak.

1 JOHANNES 5:9

Tahaporsayai do hasaksian ni jolma, tapi gumogo dope hasaksian ni Debata. Jana on ma hasaksian na dung dilehen Debata taringot tu AnakNia i.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”