JOHANNES 8:12 - BIBEL JAMITA NA DENGGAN

¹² Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 8:12 ပူးပေါင်းရင်းမြစ်များ

JOB 33:28

Disundati Debata do au kehe tu hamatean i, gabe mangolu do au lopus tu saonnari.’

MASMUR 18:28

Ho do hatiuranku, ale Tuhan Debatangku, Ho do na markuaso di hagolapanku.

MASMUR 49:19

laing na mangihut do ia tu angka ompuna muse tu inganan na golap salolot-lolotna.

MASMUR 97:11

Halak na tigor ditorangi sinondang, halak na jujur gok jop ni roha.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 9:2

Bangso na mangolu di bagasan hagolapan, madung marnida sinondang na godang. Na maringanan di bagasan halinu ni hamatean madung disondangi hatiuran ni sinondang.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MATEUS 5:14

Hamu do sondang ni portibi on. Nada tarbunihon sada kota na di ginjang dolok.

LUKAS 2:32

i ma sinondang na manyondangi angka bangso na asing, jana gabe hamuliaan di bangsoMu, Israel.”

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

JOHANNES 12:36

Haporsayai hamu ma hatiuran i salolot laing di hamu i, anso gabe halak ni hatiuran hamu.” Dung didokkon Jesus songon i, morot ma Ia sian i jana nada ra be Ia patidahon diriNa tu halahi.

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 3:19

Tapi on do panguhuman i: Madung ro hatorangan i tu tano on, tapi humolongan do roha ni jolma i tu hagolapan ulang pado hatorangan i, harana jahat do pangalaho ni halahi.

JOHANNES 7:17

Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

JOHANNES 9:5

Salolot di tano on Au, Au do sinondang ni portibi on.”

BAENON NI ANGKA RASUL 13:47

Angke songon on do diparentahon Tuhan tu hami di na nidokNia, ‘Madung Hutontuhon hamu gabe sada sondang tu angka bangso na asing na so Jahudi; anso paroonmunu haluaan tu na satano on.’ ”

BAENON NI ANGKA RASUL 26:23

i ma na mandok, angkon markancit do Kristus i na nijanjihon ni Debata i jana Ia ma halak na parjolo mulak mangolu dung jolo mate; jadi hara ni i tarpatidahon Ia ma sinondang tu bangso on bope tu angka bangso na asing.”

2 PETRUS 2:17

Songon mual na mate do angka guru pargabus i jana songon ombun na niombus ni halingsungsung. Madung diparade Debata do di halahi inganan na golap marimpot-impot.

2 PETRUS 2:4

Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

1 JOHANNES 1:6

Muda tadok na sada hita dohot Ia, hape laing mangolu di hagolapan hita, gabe pargabus do hita di hata bope di pambaenanta.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.

HALUMBAAN 21:24

Jadi mardalani di sinondang i noma angka bangso, jana angka raja na ditano on marsiboan hamoraonna ma tuSia.