JOHANNES 7:7 - BIBEL JAMITA NA DENGGAN

⁷ Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

JOHANNES 7:7 ပူးပေါင်းရင်းမြစ်များ

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

1 RAJA-RAJA 22:8

Dialusi si Ahab ma, “Adong dope sada nari, i ma si Mika anak ni si Jimla. Tapi goyak do rohangku mida i, harana na so jungada dope hum saragam panyurirangonnia na denggan tu au; hum na so ture do sude.” “Ulang ma dok songon i!” ning si Josafat.

MASMUR 109:5

Hajahaton do dibaen halahi balos ni hadenggananku, jana goyak ni roha balos ni holong ni rohangku.

PODA 15:12

Halak na pangincahi nada ra i digorahon sanga didok hata; nada ra i mangido sipaingot sian halak na marroha.

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JEREMIA 20:8

Ganop mangkuling au, marsurak au sagogongku, “Hakejamon! Parmaraan!” Dipacia-cia jana dipalayas do au, Tuhan, ari-ari, hara ni na palaluhon tonaMi.

HAMALIMON 13:10

Paresoon ni malim ma halahi. Muda bontar do tompa ni huling-kuling na mahancit i, bope imbuluna bontar jana gok nana di na mahancit i,

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

LUKAS 6:26

Marjaya ma hamu muda sude halak mamuji hamu; angke songon i do angka panurirang panipu najolo dipapuji-puji angka ompung ni halahi.”

JOHANNES 17:14

Madung Hupalalu tu halahi pangajaran ni Damang jana dihosom portibi on do halahi, angke nada portibi on nampuna halahi; laing sarupa ma i tu Au na so nampuna ni portibi on.

JOHANNES 3:19

Tapi on do panguhuman i: Madung ro hatorangan i tu tano on, tapi humolongan do roha ni jolma i tu hagolapan ulang pado hatorangan i, harana jahat do pangalaho ni halahi.

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

GALATIA 4:16

Adong he na gabe musumunu do au dietong hamu saonnari hara ni na mandok na tutu au tu hamu?

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

1 JOHANNES 4:5

Taringot tu angka pangalaho na di portibi on do na nihataan ni angka panurirang pargabus i, jana ditangihon portibi on do halahi, angke sian portibi on do haroroan ni halahi.