JOHANNES 7:48 - BIBEL JAMITA NA DENGGAN

⁴⁸ “Adong dehe sada halak sian angka pamimpin sanga halak Parise na dung porsaya tuSia?

JOHANNES 7:48 ပူးပေါင်းရင်းမြစ်များ

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

LUKAS 23:13

Dipalagut si Latus ma angka sintua ni malim, angka hatobangon dohot rayat.

JOHANNES 12:42

Tapi haru pe songon i, laing bahat do angka pamimpin ni halak Jahudi i na porsaya tu Jesus. Tapi nada puluk halahi mangoku torang di jolo ni halak; harana mabiar halahi diharuarkon sian bagas paribadatan.

JOHANNES 3:1

Adong ma sada halak Parise na margoar si Nikodemus pamimpin ni halak Jahudi.

JOHANNES 7:26

Tapi ligi da! Laing marpupu do Ia mangkobari di jolo ni halak na bahat jana nada adong na mangkahua Ia, jana nada adong na mandok bagi aha tuSia! Sanga, betak na dung tangkas do diboto angka parkuasonta, na tutu do Ia Kristus i.

JOHANNES 7:49

Tapi anggo halak na bahat na so umboto angka Tona Ni si Musa, hona bura ma halahi.”

JOHANNES 7:50

Sahalak sian angka Parise i madung unjung kehe mandapotkon Jesus borngin-borngin; si Nikodemus goarna. Didok si Nikodemus on ma tu angka Parise na asing i,

BAENON NI ANGKA RASUL 6:7

Jadi mur rarat ma hata ni Debata, martamba ma bilangan ni angka sisean di Jerusalem, angka malim pe bahat do na gabe porsaya.

1 KORINTUS 1:20

Di dia dehe angka na bisuk i? Di dia dehe angka Siboto Surat i? Di dia dehe angka pangalo na sian portibi on? Nada he madung dibaen Debata habisuhon ni portibi on gabe hatoon?

1 KORINTUS 2:8

Sahalak pe nada adong umboto sangkap na nibaen ni Debata i. Angke sugari na dung diboto halahi i, nada jabat parsilangkonon ni halahi Tuhan na sumangap i.