JOHANNES 7:43 - BIBEL JAMITA NA DENGGAN

⁴³ Ujungna gabe martongkari ma halak na bahat i taringot tu Jesus.

JOHANNES 7:43 ပူးပေါင်းရင်းမြစ်များ

MATEUS 10:35

Umbaen na ro pe Au na giot manyirang anakna do sian amangna, boruna sian inangna, parumaen sian namboruna.

LUKAS 12:51

Ning rohamunu lakna na giot maroban dame Au tu tano on? Nada! Parbadaan do.

JOHANNES 10:19

Hara ni na nidok ni Jesus songon i gabe martongkari ma halak Jahudi i.

JOHANNES 7:12

Bahat ma hata-hata ni jolma na bahat i taringot tuSia. Adong na mandok, “Na burju do Ia.” Adong muse na mandok, “Nada, na paliluhon halak na bahat do Ia.”

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

BAENON NI ANGKA RASUL 14:4

Tapi marsalisi pandapot ma halak kota i na sada tu na asing; adong na mamihak tu halak Jahudi, adong muse na mamihak tu rasul i.