JOHANNES 7:4 - BIBEL JAMITA NA DENGGAN

⁴ Nada adong halak na manabunihon sanga aha na nibaennia muda giot tarbonggal goarnia. Muda baenonMu ma na songon i, angkon botoon ni na satano on ma i!” (

JOHANNES 7:4 ပူးပေါင်းရင်းမြစ်များ

1 RAJA-RAJA 22:13

Jadi di na kehe angka pagawe na nisuru mangalap si Mika i, laing didok halahi ma tusia, “Sude panurirang na asing i madung mandok panyurirangonna be, monang do raja i. Jadi hara ni i, laing denggan ma disurirangkon tuan i.”

MATEUS 23:5

Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

MATEUS 4:6

Dung i didok Sibolis i ma tuSia, “Muda na tutu ma Ho Anak Ni Debata, ambur ma tu toru, harana angke adong do tarsurat songon on, ‘Suruon ni Debata ma angka surusuruanNia manjago Ho, tarehonon ni halahi ma tanganna manjagit Ho ulang tombom patMu tu batu.’ ”

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

MATEUS 6:5

“Muda martangiang hamu, ulang ma songon halak pangalancap. Na ringgasan halahi jongjong martangiang di angka bagas paribadatan dohot di sirpang-sirpang ni dalan, anso diida halak. Ingot hamu ma! Madung dijagit halahi upa ni halahi.

LUKAS 6:45

Sada halak na denggan sai pangalaho na denggan do ro sian i, i ma simpan-simpanan na adong di bagasan ate-ate na denggan. Tapi sada halak na jahat sai pangalaho na jat do ruar sian i, i ma simpan-simpanan na di bagasan ate-ate na jat i. Angke sanga aha na manggohi roha ni jolma di bagasan ate-atena, sai i do dipardokkoni.”

JOHANNES 18:20

Ninna Jesus ma mangalusi, “Tangkas do Au mandok hata di jolo ni halak na bahat. Sai mangajari do Au di angka bagas paribadatan dohot di Bagas Ni Debata di inganan ni halak Jahudi na somal marlagut. Nada unjung Hudokkon sanga aha di na buni.

JOHANNES 7:3

Jadi didok angka kahanggiNia ma tuSia, “Kehe ma Ho sian on tu Judea, anso laing diida angka siseanMi parkarejoanMu.

JOHANNES 7:5

Angke nada porsaya angka kahanggiNia i sandiri tuSia.)