JOHANNES 7:35 - BIBEL JAMITA NA DENGGAN

³⁵ Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?

JOHANNES 7:35 ပူးပေါင်းရင်းမြစ်များ

MASMUR 147:2

Mulak ma suang Jerusalem baenon ni Tuhan, obanonNia noma mulak angka halak na tarbuang.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 11:12

PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

ZEPANYA 3:10

Salang sian Kasdim na dao i pe marroan ma angka bangsongKu na marserak i jana haulkononna haul tu Au.

MATEUS 12:21

jana mararop ni roha tuSia ma sude angka bangso.”

LUKAS 2:32

i ma sinondang na manyondangi angka bangso na asing, jana gabe hamuliaan di bangsoMu, Israel.”

JOHANNES 12:20

Tapi adong do dohot halak Junani sian angka na manangkok marsomba di ari pesta i.

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

JOHANNES 8:22

Dung i didok angka parkuaso ni Jahudi i ma, “AropKu na giot manyingkot ma Ia, harana didok Ia, ‘Tu inganan hakeheanKu nada tarbaen hamu ro tusi.’ ”

BAENON NI ANGKA RASUL 11:18

Jadi dung dibege halahi hata nangkinan i, nada be sai dialo halahi si Petrus. Dung i dipuji halahi ma Debata. Didok halahi ma, “Antong dipadohot Debata do halak na so marugamo Jahudi laho paubahon roha sian angka dosana be anso mangolu halahi.”

BAENON NI ANGKA RASUL 11:20

Tapi adong do sian angka na porsaya i na marasal sian Siprus dohot sian Kirene na kehe lopus tu Antiokia. Jana dijamitahon halahi do Jamita Na Denggan bahaso Tuhan do Jesus i dohot tu angka halak Junani.

BAENON NI ANGKA RASUL 14:1

Laing songon i ma di Ikonium. Kehe ma si Paulus dohot si Barnabas tu bagas paribadatan jana songon i ma pangkobari ni halahi di kota i mambaen bahat halak Jahudi dohot angka bangso na asing gabe porsaya tu Jesus.

BAENON NI ANGKA RASUL 17:4

Adong ma deba na ra porsaya, manigor diihutkon halahi ma si Paulus dohot si Silas; laing songon i muse ma angka halak Junani na mangkabiari Debata jana bahat dope dohot angka dadaboru ni halak na pangkat.

BAENON NI ANGKA RASUL 18:4

Tapi muda di Ari Sabat sai kehe do si Paulus mangkobar-hobari tu bagas paribadatan laho manyosoi halak Jahudi dohot halak Junani anso porsaya halahi.

BAENON NI ANGKA RASUL 21:21

Hape saonnari tarbege do tu halahi, na niajaranmu sude halak Jahudi na mangaranto di tonga-tonga ni bangso na asing, anso dihalupahon halahi angka parenta ni Debata na nipasahat ni si Musa i. Disosoi ho halahi anso ulang pola disunat angka dakdanak ni halahi sanga pe mangoloi adat hasomalan ni halak Jahudi.

BAENON NI ANGKA RASUL 22:21

Tapi didok Tuhan i ma muse tu au, ‘Kehe ma ho, harana suruonKu ma ho kehe tu na dao tu inganan ni halak sian bangso na asing.’ ” Ninna Tuhan i tu au.

SURAT NI SI PAULUS TU PARLAGUTAN ROM 1:16

Dibaen nada maila au hara ni Jamita Na Denggan i, angke i do hagogoon ni Debata na markarejo laho paluahon sudena halak na porsaya; na parjolo i ma halak Jahudi, dung i muse angka bangso na asing.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

1 TIMOTEUS 2:7

Jana hara ni i ma umbaen na nisuruNia au mandapotkon angka halak na so Jahudi laho manjamitahon tu halahi barita taringot tu haporsayaan ni halak Kristen na tutu. Tutu do na hudokkon on, nada margabus au disi.

2 TIMOTEUS 1:11

Laho manjamitahon Jamita Na Denggan i do dipabangkit Debata au gabe rasul dohot pangajari.

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

1 PETRUS 1:1

Sian si Petrus rasul ni Jesus Kristus, tu angka halak na ro, na marserak di Pontus, Galatia, Kapadokia, Asia dohot Bitinia, i ma angka halak na nipili,