JOHANNES 7:31 - BIBEL JAMITA NA DENGGAN

³¹ Tamba ni i, bahat muse do sian angka jolma na bahat i na porsaya tuSia, didok halahi ma, “Muda ro Kristus i tarbaen Ia dope ulaning hahomangan umbahat sian na dung binaenNia on?”

JOHANNES 7:31 ပူးပေါင်းရင်းမြစ်များ

MATEUS 12:23

Homang ma roha ni halahi sude didokkon halahi ma, “On do ulaning pomparan ni si Daud i?”

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

JOHANNES 11:45

Bahat do halak Jahudi na marroan i manopotkon si Maria gabe porsaya tu Jesus, dung diida halahi na masa i.

JOHANNES 12:11

angke hara ni ia, gabe bahat halak Jahudi na kehe manadingkon pamimpin ni halahi gabe porsaya muse tu Jesus.

JOHANNES 12:42

Tapi haru pe songon i, laing bahat do angka pamimpin ni halak Jahudi i na porsaya tu Jesus. Tapi nada puluk halahi mangoku torang di jolo ni halak; harana mabiar halahi diharuarkon sian bagas paribadatan.

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 4:29

“Beta ma taligi halak na paboahon tu au sasudena na dung hubaen. Ia dehe Kristus i?”

JOHANNES 4:39

Gabe bahat ma halak Samaria na sian kota i porsaya tu Jesus hara ni na nidok ni anak boru i, ‘Madung dipaboa Ia tu au sasudena parkarejoanku nabaruon.’

JOHANNES 6:2

Diihutkon halak na bahat i ma Ia hara ni na dung niida ni halahi angka pangalaho hahomangan na nibaenNia dompak pamalumkon angka na marnyae Ia.

JOHANNES 7:26

Tapi ligi da! Laing marpupu do Ia mangkobari di jolo ni halak na bahat jana nada adong na mangkahua Ia, jana nada adong na mandok bagi aha tuSia! Sanga, betak na dung tangkas do diboto angka parkuasonta, na tutu do Ia Kristus i.

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

BAENON NI ANGKA RASUL 8:13

Si Simon pe gabe porsaya ma. Dung tardidi ia laing torus ma dipaihut-ihut ia si Pilipus. Homang-homang muse ma si Simon paida-ida angka tanda hahomangan na tarjadi i.

JAKOBUS 2:26

Harana pamatang na so martondi, pamatang na mate do i, laing songon i do haporsayaan na so mardongan pambaenan, na mate do i.