JOHANNES 7:28 - BIBEL JAMITA NA DENGGAN

²⁸ Hatiha mangajari Jesus di bagasan Bagas Ni Debata, didok Ia ma, “Nian di tanda hamu do sanga ise Au jana diboto hamu sian dia harorongKu? Nada marhite roha-rohangKu sandiri umbaen na ro Au, tapi na nisuru ni Na Tigor i do Au, tapi nada ditanda hamu Ia.

JOHANNES 7:28 ပူးပေါင်းရင်းမြစ်များ

MASMUR 9:10

Halak na mananda Ho, mararop ni roha tu Ho Tuhan, halak na mangalului Ho nada ra Ho maninggalkon.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

HOSEA 5:4

Patunda ni hajahatan na nibaen ni halak Israel, nada tarbaen halahi be mulak tu Debata ni halahi. Harana na marsomba gana-ganaan noma na manggohi roha ni halahi jana nada parduli be di Tuhan.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 2:23

Disi ma ia maringanan di sada kota na margoar Nasaret. Markite na songon i ma tulus na nidok ni angka panurirang, na mandok, “Nigoaran ma Ia halak Nasaret.”

MATEUS 26:55

Dung i didok Jesus ma tu halak na bahat i, “Ro hamu laho manangkup Au maroban podang dohot potuk-potuk. Halak na jahat dehe Au lakna? Ganop ari do Au mangajari di Bagas Ni Debata hape nada ditangkup hamu Au!

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

LUKAS 2:11

Madung sorang sadari on di Kota Ni si Daud, Sipalua i, i ma Kristus Tuhan i.

LUKAS 2:39

Dung sidung dipatulus sude na niaturkon ni Tona Ni Tuhan, mulak ma halahi tu kota Nasaret na di Galilea.

LUKAS 2:4

Si Josep pe kehe ma sian Nasaret na di Galilea tu Betlehem na di Judea kota hasorangan ni Raja Daud. Harana pomparan ni si Daud do si Josep.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

JOHANNES 1:46

Tapi dialusi si Natanael ma, “Adong dehe lakna ro na denggan sian Nasaret?” “Beta ma taligi,” ning si Pilipus mangalusi.

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 12:49

Jana songon i do tutu! Harana Au pe nada jungada Au mandok hata sian roha-rohangKu sandiri; Damang na marsuru Au, Ia do na mamarentahon tu Au sanga aha na angkon dokkononKu jana sanga aha sipabotohononKu.

JOHANNES 14:10

O, ale Pilipus! Adong he laing na so porsaya do ho na sada do Au dohot Ama i jana Ama i sada dohot Au? Sudena na Hudok on tu ho nada sian roha-rohangKu sandiri i. Damang na sai maringanan di bagasan Au, Ia do na mangkarejohon i sudena.

JOHANNES 14:31

Tapi anso diboto portibi on na holong do rohangKu mida Ama i, i do umbaen na Hukarejohon sandok na nisuruhon ni Ama i karejohononKu. I pe, beta ma hita kehe sian on.”

JOHANNES 16:3

Dibaen halahi pe songon i tu hamu, hara ni na so ditanda halahi dope Damang dohot Au.

JOHANNES 17:25

Ale Amang na tigor roha! Nada ditanda portibi on Ho, tapi anggo Au Hutanda do Damang, jana halak on pe diboto halahi do, Damang do na marsuru Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 3:33

Sanga ise na porsaya di hasaksianNia i, i do na mangoku bahaso na tigor Debata.

JOHANNES 5:32

Tapi adong do sada halak na asing mangalehen hasaksian taringot tu Au jana Huboto do bahaso na tutu hasaksianNia i.

JOHANNES 5:43

Mardongan kuaso na sian Damang do Au ro, hape nada dijagit hamu Au. Hape anggo halak na asing na ro mamake kuasona sandiri, dijagit hamu do.

JOHANNES 6:42

Didok halahi ma, “Na he Jesus anak ni si Josep i do on? Hami tanda do amangNia dohot inangNia! Biasi ma he didokkon Ia na mijur sian banua ginjang Ia?”

JOHANNES 7:14

Di tonga-tonga ni pesta i masuk ma Jesus tu Bagas Ni Debata mangajari.

JOHANNES 8:14

Dialusi Jesus ma, “Haru pe Husaksihon taringot tu diringKu sandiri, tutu do na Husaksihon i; angke Huboto do sanga sian dia Au ro jana tu dia Au kehe. Anggo hamu nada diboto hamu sanga sian dia Au ro jana tu dia Au kehe.

JOHANNES 8:16

Tapi sugari pe adong halak na Huuhumi, tigor do haputusanKu, harana nada hum Au sandiri, rap do Au dohot Damang i na marsuru Au.

JOHANNES 8:19

“Di dia ma AmangMi?” ning halahi. Dialusi Jesus ma, “So na ditanda hamu Au. Damang pe nada ditanda hamu i. Sugari ditanda hamu Au, laing ditanda hamu do Damang.”

JOHANNES 8:26

Bahat dope na giot dokkononKu dohot uhumanKu taringot tu hamu. Tapi Hum na Hubege sian na marsuru Au, i sajo do paboaonKu tu portibi on – harana sintong do Ia.”

JOHANNES 8:42

Dung i didok Jesus ma tu halahi, “Sugari na tutu Debata Amangmunu, angkon holong do rohamunu tu Au, harana, tutu do Au na ro sian Debata. Nada sian roha-rohangKu umbaen na ro Au. Na nisuruNia do Au.

JOHANNES 9:29

Anggo taringot tu si Musa tangkas do hami boto na dung mangkatai Debata tusia. Tapi taringot tu Bayo i nada hami boto sanga sian dia asal ni i.”

BAENON NI ANGKA RASUL 17:23

Harana di na mardalan-dalan au humaliang kotamunu on, huparrohahon do angka inganan parsombaanmunu. Huida muse do sada inganan pamelean, tarsurat do disi, ‘Tu Debata Na So Nitanda.’ Jadi, Debata na so nitandamunu i, i ma da ibana na hubaritahon i tu hamu.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

2 KORINTUS 1:18

Husumpahon ma tu Debata na sintong i, anggo janjingki tu hamu nada, “Olo” sanga “Inda”.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

1 JOHANNES 5:10

Hara ni i, sanga ise halak na porsaya tu Anak Ni Debata, madung dijagit Ia hasaksian on di bagasan dirinia; tapi anggo halak na so porsaya tu Debata, madung dibaen Ia Debata gabe songon pargabus, angke nada porsaya ia tu na nipatangkas ni Debata taringot tu AnakNia i.

1 SAMUEL 2:12

Na jahat situtu do angka anak ni si Eli. Nada diantureskon halahi Tuhan,