JOHANNES 7:24 - BIBEL JAMITA NA DENGGAN

²⁴ Ulang ma marojahan tu na tarida sajo hamu muda manguhumi halak, tapi uhum na tigor ma baen hamu.”

JOHANNES 7:24 ပူးပေါင်းရင်းမြစ်များ

MASMUR 82:2

“Sadia lelengnai hamu manguhumi di bagasan hakejamon, jana marpihak hamu tu halak parjahat.

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

PODA 24:23

Unjung do didok angka halak na bisuk songon on: Panguhum nada tola borat sabola.

JESAYA 5:23

Marjaya ma hakim na patigorhon parjahat hara ni hepeng suap, jana na so patuduhon hasintongan tu halak na tigor.

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

ZAKARIA 7:9

“Songon on ma hata ni Tuhan Na Markuaso i, ‘Karejohon ma angka tona na tigor jana maribo ni roha dohot marroha na denggan maradopkon donganmunu jolma.

JOHANNES 7:25

Dung i adong ma deba halak Jerusalem na mandok, “Na he on do halakna, na giot bunuon ni halahi i?

JOHANNES 8:15

Diuhumi hamu do halak mangihutkon pambaen ni jolma; anggo Au nada adong sahalak pe na Huuhumi.

2 KORINTUS 10:7

Angkon botoonmunu sugari pangalaho na satutuna. Muda dihaposi roha ni sada halak do nampuna ni Kristus ia, dipareso ia ma mangulahi dirinia jana diboto ia ma, hami pe laing nampuna ni Kristus do songon ia.

JAKOBUS 2:1

Hamu angka dongan! Songon halak na porsaya tu Tuhan Jesus Kristus, Tuhan Na Sumangap i, ulang ma hara ni angka pangalaho na tarida baen hamu mangaligi bohi ni halak.

JAKOBUS 2:4

Muda songon i dibaen hamu, nada he na mardia imbar do dibaen hamu sama hamu jana manguhumi hamu di bagasan pikiran na jahat?

JAKOBUS 2:9

Tapi muda mardia imbar do dibaen hamu halak, na mambaen dosa do hamu songon i, jana marhite Tona i, tangkasma bahaso na dung mangalaosi hamu disi.