JOHANNES 7:23 - BIBEL JAMITA NA DENGGAN

²³ Muda disunat hamu halak di Ari Sabat, anso ulang mangalanggar Parenta Ni si Musa, biasi anggo songon i muruk hamu tu Au hara ni na Hupamalum sahalak di Ari Sabat?

JOHANNES 7:23 ပူးပေါင်းရင်းမြစ်များ

HARURUAR 31:14

Angkon pasangapanmunu do Ari Sabat, angke ari na badia do i di hamu; sanga ise mangalanggar habadiaan ni Ari Sabat i, simatehonon noma i; angke sanga ise na mambaen karejo di ari i, siagohononkon do i sian tonga-tonga ni bangsomunu.

MATEUS 12:10

Adong ma disi sada halak na mate tanganna sabariba. Jadi disapai halak na manjalak-jalahi hasalaan ni Jesus ma Ia, “Atehe tola do pamalumon halak di hatiha Ari Sabat?”

MATEUS 12:2

Jadi dung diida angka halak Parise songon i, didok halahi ma tu Jesus, “Ligi ma, dibaen anak siseanMu do na so tola karejohonon di Ari Sabat.”

MATEUS 12:5

Sanga na so unjung dope disise hamu di Buku Tona, taringot tu pangalaosion ni angka malim di Ari Sabat di bagasan Bagas Ni Debata i, hape nada marsala halahi?

JOHANNES 5:10

Jadi hara ni i didok angka pamimpin ni halak Jahudi ma tu bayo na baru malum i, “Ari Sabat do da sadari on. Nada tola obanonmu lagemi.”

JOHANNES 7:21

Dialusi Jesus ma, “Hum sada dope Hubaen pangalaho na so somal ma longang hamu sude.

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.