JOHANNES 7:19 - BIBEL JAMITA NA DENGGAN

¹⁹ Madung nian dilehen si Musa di hamu angka Parenta Ni Debata. Tapi sahalak pe sian hamu umpe adong na mangoloi angka Parenta i. Biasi ma he giot bunuonmunu Au?”

JOHANNES 7:19 ပူးပေါင်းရင်းမြစ်များ

MATEUS 12:14

Ditinggalkon halak Parise i ma inganan i, martahi ma halahi giot mamunu Jesus.

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

MARKUS 11:18

Dibege angka sintua ni malim rap dohot angka Siboto Surat do na nidokNia i. Gabe mamungka ma dijalahi halahi dalan laho mamunu Jesus. Tapi mabiar do halahi mida Ia, angke sude halak na bahat na disi i mangkilala, tabo pangajaranNia i.

MARKUS 3:4

Jadi disapai Ia ma angka halak na disi i, “Mangihutkon ugamonta, aha do na tola baenonta di Ari Sabat? Mambaen na denggan do sanga mambaen na jahat? Manolong halak do sanga mangago halak?” Tapi sip sajo do halahi.

MARKUS 3:6

Marmorotan ma angka halak Parise i, ditinggalkon halahi ma bagas paribadatan i. Manigor marpokat ma halahi dohot angka halak na saroha dohot si Herodes laho mamunu Jesus.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

JOHANNES 10:39

Giot ditangkup halahi ma Ia tapi malua do Ia sian tangan ni halahi.

JOHANNES 11:53

Jadi mamungka sian ari i, martahi-tahi ma halak Jahudi i laho mamunu Jesus.

JOHANNES 5:16

Markite-hite i, dipungka halak Jahudi ma mangaroha-rohai Jesus, hara ni na nipamalumNia halak di Ari Sabat.

JOHANNES 5:18

Angka pandohan ni Jesus i ma mambaen mur dirohai angka pamimpin ni halak Jahudi i giot mamunu Ia. Nada hum hara ni na mangalanggar tona ni ugamo sajo, i ma taringot tu Ari Sabat umbaen na songon i dibaen halahi, tapi dohot do muse hara ni hataNia na mandok AmangNia Debata; astuanna disarupahon Ia ma Ia dohot Debata.

JOHANNES 5:45

Ulang ma didok rohamunu na mangaduhon hamu Au tu Damang. Si Musa do na mangaduhon hamu–harana si Musa do na nipainte-intemunu.

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

JOHANNES 7:25

Dung i adong ma deba halak Jerusalem na mandok, “Na he on do halakna, na giot bunuon ni halahi i?

BAENON NI ANGKA RASUL 7:38

Laing si Musa do na gabe panonga-nongai sian bangso Israel di parkorsihan i, maradopkon surusuruan na mangkatai tusia di Dolok Sinai bope tu ompunta i. Ia do na manjagit hata hangoluan sian Debata sipabolkason tu hita.

GALATIA 3:19

Anggo songon i do hape, aha do gunana nilehen Tona i? Anggo alus ni i, songon on do: Songon tamba-tamba do Tona i dilehen laho patuduhon tu jolma sanga aha na margoar dosa. Intap ni haroro ni sahalak sian pomparan ni si Abraham sajo do mardalan anggo Tona i, i ma na dipaboa hian di bagasan janji ni Debata tu si Abraham i. Na nipasahat ni angka surusuruan do Tona i tu jolma markite-hite sada halak.

GALATIA 6:13

Angka halak na mangihutkon paraturan ni sunat i pe, nada didalankon halahi aturan i. Hape giot ni halahi angkon marsunat ma hamu, anso tarbaen halahi mamuji diri paboa na niihutkonmunu paraturan i.

PANGARATAION 1:17

Ulang teleng baen hamu haputusan; angkon dos do baenonmunu tu ganop halak panimbangna, ulang pola mangaligi sanga ise halakna i. Ulang habiari hamu sanga na ise pe, angke sian Debata do haroroan ni haputusan na nibaenmunu. Muda adong sada parkaro na mamaoltu di hamu, oban hamu ma i tu au. Anso au mamutuskonsa.’

PANGARATAION 33:4

Taoloi ma Tona Ni Tuhan na nilehen ni si Musa, i ma sinadongan ni bangso on na ummarga.