JOHANNES 7:15 - BIBEL JAMITA NA DENGGAN

¹⁵ Homang sajo ma roha ni angka halak Jahudi i. Didok halahi ma, “Sian dia do parbinotoan ni Bayo on, hape nada jungada Ia sikola?”

JOHANNES 7:15 ပူးပေါင်းရင်းမြစ်များ

JESAYA 29:12

Muda dioban ho i tu na buta hurup, jana didokkon ho: “Sise ma jolo on,” alusannia ma: “Nada malo au manyise.”

MATEUS 13:54

Mulak ma Ia tu huta hagodanganNia. Jadi kehe ma Ia mangajari di bagas paribadatan na disi. Homang-homang ma sude halak na manangihon i, hara ni tabona. Didok halahi ma, “Sian dia do dapot Ia hamaloon na songon i? Dung i sian dia do dapot Ia hagogoonNia mambaen angka hahomangan i?

MATEUS 22:22

Jadi dung dibege halahi hatorangan i, homang ma roha ni halahi. Gabe ditinggalkon halahi ma Jesus.

MATEUS 22:33

Dung dibege halak na bahat i hatorangan ni Jesus i, gabe homang ma roha ni halahi hara ni pangajaranNia i.

LUKAS 2:47

Homang-homang do sude halak na disi umbege angka alusNia na topet-topet.

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 7:11

Dijalak-jalahi angka parkuaso ni halak Jahudi ma Jesus di pesta i, sapa-sapa ma halahi, “Di dia do Ia ulaning?”

JOHANNES 7:13

Tapi sahalak pe nada adong na puluk sian halahi mandok hatana torus torang taringot tuSia, hara ni na mabiar mida halak Jahudi i.

JOHANNES 7:46

Dialusi angka panjago i ma tu halahi, “Nada adong dope pangkatai ni jolma songon i!”

BAENON NI ANGKA RASUL 26:24

Jadi taran na pajojorkon pambelaan i dope si Paulus manggora ma si Pestus, “Madung rintik ho Paulus! Parbinotoanmu na bahat i do mambaen ho rintik!” ning ia.

BAENON NI ANGKA RASUL 4:13

Homang ma roha ni angka na marlagut i marnida habaranion ni si Petrus dohot si Johannes, jana diboto halahi muse hape halak na somal do rasul na dua i na so pola marsikola. Dung i diboto halahi ma, hape angka na mangihutkon Jesus do rasul na dua i.

1 SAMUEL 10:11

Diida angka jolma na mananda ia hian ma sian najolo pangalahonia i, gabe marsisapai ma na sada tu na asing, “Aha dehe na masa tu anak ni si Kis i? Na gabe panurirang muse dehe si Saul?”