JOHANNES 7:13 - BIBEL JAMITA NA DENGGAN

¹³ Tapi sahalak pe nada adong na puluk sian halahi mandok hatana torus torang taringot tuSia, hara ni na mabiar mida halak Jahudi i.

JOHANNES 7:13 ပူးပေါင်းရင်းမြစ်များ

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

JOHANNES 19:38

Dung i ro ma si Josep halak Arimatea mangido isin tu si Latus laho mambuat bangke ni Jesus. (Na dung gabe sisean ni Jesus do si Josep on di na buni, harana laing mabiar dope ia mida angka parkuaso ni halak Jahudi i.) Dilehen si Latus ma tusia isin, jadi kehe ma ia mambuat bangke i.

JOHANNES 20:19

Laing di Ari Minggu i dung borngin marlagut ma anak sisean ni Jesus di sada bagas. Digoruk halahi ma sude pintu ni bagas i; hara ni na mabiar halahi tu angka parkuaso ni halak Jahudi. Jadi tompu ma ro Jesus jongjong di tonga-tonga ni halahi, ning Ia ma, “Hasonangan ma di hamu!”

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

JOHANNES 7:11

Dijalak-jalahi angka parkuaso ni halak Jahudi ma Jesus di pesta i, sapa-sapa ma halahi, “Di dia do Ia ulaning?”

JOHANNES 7:15

Homang sajo ma roha ni angka halak Jahudi i. Didok halahi ma, “Sian dia do parbinotoan ni Bayo on, hape nada jungada Ia sikola?”

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

JOHANNES 9:34

Dialusi halahi ma, “Himpal do ho halak pardosa mamungka sian ujung ni obukmu lopus tu palampak ni patmu sian hasosorangmu, giot ajaranmu ma he hami?” Dung i dipakaruar halahi ma ia sian bagas paribadatan i.

HALUMBAAN 2:13

Huboto do sanga di dia hamu maringanan. Di inganan ni kuaso ni Sibolis i do ingananmunu. Burju do hamu tu Au. Dompak na dibunu i pe si Antipas saksingKu na burju i di tonga-tongamunu di markas ni Sibolis i, disi pe nada disoadahon hamu paboa na porsaya hamu di Au.