JOHANNES 7:1 - BIBEL JAMITA NA DENGGAN

¹ Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

JOHANNES 7:1 ပူးပေါင်းရင်းမြစ်များ

MATEUS 10:23

Muda diparkanciti halahi hamu di sada kota kehe ma hamu tu kota na asing. Hupaboa hian ma di hamu: Inda sidung dope tohapmunu dikarejohon hamu di sude kota na adong di Israel, hape ma ro Anak Ni Jolma i.

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

MARKUS 11:18

Dibege angka sintua ni malim rap dohot angka Siboto Surat do na nidokNia i. Gabe mamungka ma dijalahi halahi dalan laho mamunu Jesus. Tapi mabiar do halahi mida Ia, angke sude halak na bahat na disi i mangkilala, tabo pangajaranNia i.

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 4:3

Dung tarboto tu Jesus na dung tarbege na songon i tu halak Parise, gabe kehe ma Ia sian Judea jana mulak tu Galilea.

JOHANNES 4:54

I ma tanda hahomangan na paduahon dibaen Jesus di Galilea dung ro Ia sian Judea.

JOHANNES 6:1

Dung i kehe ma Jesus mangulahi tu ipar ni Dano Galilea (na nigoaran muse Dano Tiberias).

JOHANNES 7:11

Dijalak-jalahi angka parkuaso ni halak Jahudi ma Jesus di pesta i, sapa-sapa ma halahi, “Di dia do Ia ulaning?”

JOHANNES 7:13

Tapi sahalak pe nada adong na puluk sian halahi mandok hatana torus torang taringot tuSia, hara ni na mabiar mida halak Jahudi i.

JOHANNES 7:19

Madung nian dilehen si Musa di hamu angka Parenta Ni Debata. Tapi sahalak pe sian hamu umpe adong na mangoloi angka Parenta i. Biasi ma he giot bunuonmunu Au?”

JOHANNES 7:25

Dung i adong ma deba halak Jerusalem na mandok, “Na he on do halakna, na giot bunuon ni halahi i?

JOHANNES 7:35

Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?

JOHANNES 8:37

Huboto do, pomparan ni si Abraham do nian hamu. Hape laing giot dibunu hamu do Au, hara ni na so ra hamu manjagit pangajaranKi.

JOHANNES 8:40

Hasintongan na Hubege sian Debata, hum i sajo do na Hupaboa tu hamu, hape mur giot bunuonmunu dope Au. Anggo si Abraham nada dibaen ia songon i!

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.