JOHANNES 6:70 - BIBEL JAMITA NA DENGGAN

⁷⁰ Dialusi Jesus ma tu halahi, “Au do nian mamili hamu na dua bolas halak on. Tapi haru songon i pe gabe songon Sibolis do sahalak sian hamu!”

JOHANNES 6:70 ပူးပေါင်းရင်းမြစ်များ

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

JOHANNES 13:2

Mangan ma Jesus dohot angka siseanNia borngin i. Madung disuan Sibolis i tu bagasan roha ni si Judas anak ni si Simon Iskariot roha na giot manghianat tu Jesus.

JOHANNES 13:21

Dung didok Jesus songon i, marsak sajo ma rohaNia di bagasan. Dung i torus torang ma didok Ia, “Tutu do na Hupaboa on tu hamu: Sahalak sian hamu giot manghianati tu Au.”

JOHANNES 13:27

Disi dijagit si Judas roti i, manigor susur ma Sibolis i tusia. Dung i didok Jesus ma tusia, “Pasigop ma baen sanga na aha giot baenonmu!”

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 15:19

Sugari na sian portibi on hamu, haholongan ni portibi on do hamu songon halaknia. Tapi madung Hupili hamu sian portibi on, jana nada be halak portibi on hamu. Hara ni i do umbaen na hosom roha ni portibi on mida hamu.

JOHANNES 17:12

Salolot rap Au dohot halahi di portibi on, madung Hujagohon halahi markite-hite kuaso ni Damang i – i ma kuaso na nilehen ni Damang i tu Au. Madung Huondingi halahi na nipasahat ni Damang tu Au, jana umpe sada sian halahi na mago, asing ni anak mago i; anso laing tulus ma na tarsurat di Buku Na Badia i.

JOHANNES 2:2

jana diontang do Jesus rap dohot angka siseanNia tu pesta i.

JOHANNES 20:24

Si Tomas (na nigoaran muse si Linduat) i ma sahalak sian sisean ni Jesus na dua bolas halak i. Jadi hatiha na ro i Jesus, nada dohot si Tomas rap dohot sisean ni Jesus na asing i.

JOHANNES 6:64

Hape laing adong dope sian hamu na so porsaya.” (Madung diboto Jesus hian do sian mulana sanga ise-ise na so ra porsaya dohot ise na giot manghianat tuSia.)

JOHANNES 6:67

Dung i disapai Ia ma siseanNia sidua bolas halak i, “Adong he na giot tadingkononmunu muse ma Au?”

JOHANNES 6:71

Si Judas anak ni si Simon Iskariot do na nidok ni Jesus disi. Angke haru pe sahalak sian sidua bolas halak i si Judas, ia do na giot manghianat tu Jesus.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

BAENON NI ANGKA RASUL 1:17

Nietong hian do ia donganta jana na dung dipili hian do ia gabe donganta saparkarejoan.”

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

1 JOHANNES 3:8

Tapi sanga ise halak na sai torus mambaen dosa, anak ni Sibolis do i, angke na sai mardosa do Sibolis i sian mula ni mulana. Na giot manyegohon karejo ni Sibolis i do umbaen na ro Anak Ni Debata tu portibi on.