JOHANNES 6:68 - BIBEL JAMITA NA DENGGAN

⁶⁸ Dialusi si Petrus ma, “O Tuhan, giot tu ise dope hami kehe? Hum hataMi sajo do na mangalehen hangoluan na so mantak.

JOHANNES 6:68 ပူးပေါင်းရင်းမြစ်များ

MASMUR 73:25

Ise dope he di au di banua ginjang i anggo nada Ho? Nada adong por ni rohangku di tano on asing sian Ho.

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

MARKUS 8:29

“Tapi mangihutkon pandapotmunu sandiri, tarbia do antong?” ninna Jesus manyapai. “Ise do Au mangihutkon pandokmunu?” Dialusi si Petrus ma, “Kristus do Ho!”

LUKAS 9:20

“Muda pandokmunu ise ma Au?” ning Jesus manyapai. Dialusi si Petrus ma, “Ho do Kristus i na sian Debata!”

JOHANNES 12:49

Jana songon i do tutu! Harana Au pe nada jungada Au mandok hata sian roha-rohangKu sandiri; Damang na marsuru Au, Ia do na mamarentahon tu Au sanga aha na angkon dokkononKu jana sanga aha sipabotohononKu.

JOHANNES 12:50

Jana Huboto do na mangalehen hangoluan na so mantak do parentaNia i. Sanga aha na Hudokkon i, na nisuruhon ni Damang do Au mandokkon i.”

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

JOHANNES 6:63

Tondi i do na mangalehen hangoluan, anggo sibuk nada adong guna ni i. Angka hata na Hudokkon, i do tondi dohot hangoluan.

BAENON NI ANGKA RASUL 13:26

Hamu ale angka dongan pinompar ni si Abraham, bope sude angka dongan na asing na adong dison, angka na mangkabiari Debata! Madung ditongos Debata tu hita Jamita haluaan i;

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

BAENON NI ANGKA RASUL 5:20

“Kehe ma hamu tu Bagas Ni Debata, jana disi ma hamu jongjong laho mamaritahon sude hata hangoluan i tu halak na bahat.”

BAENON NI ANGKA RASUL 7:38

Laing si Musa do na gabe panonga-nongai sian bangso Israel di parkorsihan i, maradopkon surusuruan na mangkatai tusia di Dolok Sinai bope tu ompunta i. Ia do na manjagit hata hangoluan sian Debata sipabolkason tu hita.

BAENON NI ANGKA RASUL 8:37

Didok si Pilipus ma, “Anggo na dung porsaya do tuan i sian sandok roha, nada pola sala be tardidi tuan i.” “Porsaya do au Anak Ni Debata do Jesus Kristus,” ning bayo parpangkat na sian Etiopia i.]