JOHANNES 6:52 - BIBEL JAMITA NA DENGGAN

⁵² Gabe martongkari ma halak Jahudi sama halahi hara ni hata ni Jesus nangkinan i. “Bia do pangalehen ni Bayo on di pamatangNia i tu hita gabe sipanganon?” ninna halahi.

JOHANNES 6:52 ပူးပေါင်းရင်းမြစ်များ

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 10:19

Hara ni na nidok ni Jesus songon i gabe martongkari ma halak Jahudi i.

JOHANNES 3:4

Didok si Nikodemus ma tu Jesus, “Bia ma he parjadina halak na dung magodang sorang mangulahi? Tarbaen dope lakna masuk mangulahi tu bortian ni inangna anso ditubuhon mangulahi?”

JOHANNES 3:9

“Tarbia ma parjadi ni i?” ning si Nikodemus manyapai.

JOHANNES 4:11

Didok anak boru i ma, “Tapi so adong timba di Tuhan i, hape sai bagas sumur on. Sian dia ma dapot Tuhan i aek na mangolu i?

JOHANNES 6:41

Mamungka ma mungut-ungut halak Jahudi tu Jesus, hara ni na nidokNia i, “Au do roti na mijur sian banua ginjang i.”

JOHANNES 6:60

Bahat do angka sisean ni Jesus umbege angka hata na nidok ni Jesus i. Didok halahi ma, “Ma kasartu do pangajaran on. Ise ma he na tahan manangihonsa?”

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.