JOHANNES 6:38 - BIBEL JAMITA NA DENGGAN

³⁸ Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

JOHANNES 6:38 ပူးပေါင်းရင်းမြစ်များ

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 3:17

Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

JOHANNES 3:31

Ise na ro sian ginjang do di ginjang ni sudena. Na ro sian tano on, di tano on do, jana mangkobari do ia taringot tu tano on. Anggo na ro sian ginjang i, di ginjang ni sudena do.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 5:19

Dialusi Jesus ma halahi songon on, “Ingot hamu ma na Hudok on: Nada dibaen Anak i sanga na aha pe mangihutkon roha-rohaNia sandiri. Sanga aha na niidaNia dibaen AmangNia, hum i sajo do dibaen Ia. Angke sanga aha na nibaen ni Ama i, laing i muse do dibaen Anak i.

JOHANNES 5:30

“Nada tarpatupa Au sanga aha pe anggo sian roha-rohangKu sandiri. Sanga aha na niparentahon ni Debata tu Au, hombar tusi do Au manontuhon uhuman. Hara ni i, adil do na Huputuskon i, angke nada na mambaen roha-rohangKu sandiri Au. Hagiot Ni Damang na marsuru Au, i sajo do na Huoloi.

JOHANNES 6:29

Dialusi Jesus ma, “On ma na nipangido ni roha ni Debata sikarejohononmunu diSia: Haporsayai hamu ma na nisuru ni Debata i.”

JOHANNES 6:33

Angke anggo sipanganon na nilehen ni Debata, i ma na mijur sian banua ginjang jana na mangalehen ngolu na so mantak tu portibi on.”

JOHANNES 6:42

Didok halahi ma, “Na he Jesus anak ni si Josep i do on? Hami tanda do amangNia dohot inangNia! Biasi ma he didokkon Ia na mijur sian banua ginjang Ia?”

JOHANNES 6:57

Damang na mangolu i do na marsuru Au jana Au pe na mangolu sian Damang i do. Laing songon i muse ma na mangankon pamatangKu, laing sian Au ma ia mangolu.

SURAT NI SI PAULUS TU PARLAGUTAN ROM 15:3

Harana, Kristus pe nada hasonanganNia sajo dipikirkon Ia. Songon na tarsurat, “Sude incak-incak na tu hamu, gabe tu Au do madabu.”

EPESUS 4:9

Jadi muda didok “manaek Ia” astuanna na dung mijur hian do Ia lopus tu inganan na partoru situtu di tano on.

IBRANI 5:8

Haru pe Anak Ia, laing na nipabangkit ni Debata do Ia.