JOHANNES 6:37 - BIBEL JAMITA NA DENGGAN

³⁷ Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

JOHANNES 6:37 ပူးပေါင်းရင်းမြစ်များ

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

JOHANNES 6:39

Jana songon on ma hagiot ni na marsuru Au; anso ulang Huagohon sahalak pe sian sudena halak na nipasahatNia tu Au; tapi anso Hupangolu do halahi mangulahi dung di Ari Parpudi.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

JOHANNES 17:6

Madung Hupatorang Ho Amang tu angka jolma na sian portibi on, i ma na dung nipasahatMu tu Au. Ho do Amang nampuna halahi; jana madung dipasahat Ho halahi tu Au. Madung diihutkon halahi hata na nilehenMi.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

1 TIMOTEUS 1:16

Tapi laing hara ni i muse ma dihaholongi Debata au, anso laing tarpatuduhon Jesus Kristus hasobaronNia maradopkon au halak pardosa on. Jana gabe tiruan ma on di angka na giot porsaya muse tuSia jana na manjagit hangoluan na so mantak.

JESAYA 42:3

Arong na malapat i nada gotapkononna, api na midop-idop i nada intopkononna. Mardongan haburjuonna do patuduhonna tona i.

JOHANNES 6:65

Dung i didok Jesus ma mangulahi, “Hara ni i ma umbaen na Hudok tu hamu, umpe sahalak tarbaen ro tu Au anggo so dilehen Damang dalan disia laho mandapotkon Au.”

JESAYA 41:9

Ho na dung Hubuat sian angka sundut ni tano on, jana Hupio sian suhi-suhina. Hudok ma tu ho: ‘NaposongKu do ho, madung Hupili ho jana nada tulahonKu be ho.’

SURAT NI SI PAULUS TU PARLAGUTAN ROM 5:20

Tapi ditambahon do Tona i, anso gabe mur bahat pangalaosion; jana di dia dosa martamba bahat disi ma asi ni roha mur bahat,

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

MASMUR 102:17

TangihononNia ma tangiang ni bangsoNa na marhasusaan i, jana nada tulakonNia pangidoan ni halahi.

PILIPPI 1:29

Angke nada hum dalan mangkaporsayai Kristus na nilehen ni Debata tu hamu, tapi dohot do dalan tu parkancitan hara ni Kristus.

JOHANNES 17:11

Saonnari ro ma Au mandapotkon Damang. Nada be di portibi on Au; tapi anggo halahi laing di portibi on dope. Ale Amang na badia! Jagohon ma halahi dohot kuasoMi – i ma kuaso na nilehen ni Damang i tu Au – anso gabe sada halahi songon Damang na sada dohot Au.

JOHANNES 9:34

Dialusi halahi ma, “Himpal do ho halak pardosa mamungka sian ujung ni obukmu lopus tu palampak ni patmu sian hasosorangmu, giot ajaranmu ma he hami?” Dung i dipakaruar halahi ma ia sian bagas paribadatan i.