JOHANNES 6:31 - BIBEL JAMITA NA DENGGAN

³¹ Anggo angka ompunami mangan manna do di halongonan, songon na adong tarsurat, ‘Dilehen Ia do di halahi sipanganon na sian banua ginjang.’ ”

JOHANNES 6:31 ပူးပေါင်းရင်းမြစ်များ

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

NEHEMIA 9:20

Marhite kuasoMu na denggan i, diajar Ho do halahi. Mangan manna halahi jana minum aek tuk disi.

MASMUR 105:40

Mangido halahi gabe disuru Ia angka unggas marroan, dipangan halahi sipanganon banua ginjang lopus butongan.

HARURUAR 16:35

Manna i ma gabe panganon ni halak Israel, opat pulu taon honokna, lopus bolkas halahi tu Kanaan, inganan na hot di halahi. (

JOHANNES 6:32

Dung i didok Jesus ma tu halahi, “Satutuna Hupaboa ma di hamu: Anggo na nilehen ni si Musa i di hamu, nada sipanganon na sian banua ginjang i; anggo sipanganon na sian banua ginjang i, i ma sipanganon na satutuna lehenon ni Damang di hamu.

JOHANNES 6:49

Mangan manna do angka ompumunu di halongonan hape laing marmatean do halahi.

JOHANNES 6:58

On do roti na mijur sian banua ginjang i: Nada sarupa sipanganon on dohot sipanganon na nipangan ni ompumunu. Angke dung dipangan halahi sipanganon i, laing mate do halahi. Tapi anggo na mangan sipanganon on, mangolu do salolotna.”

1 KORINTUS 10:3

Rap sipanganon partondion do dipangan halahi,

PANGARATAION 8:3

Dipadiar Ia hamu tangkuraparon, dung i dilehen Ia tu hamu manna baen panganon, i ma sipanganon na so jungada hian dope dipangan hamu sanga ompumunu. Na mangajari hamu do umbaen dipatupa Tuhan songon i bahaso nada hum sian roti sajo jolma mangolu, tapi sian sude na nidok ni Tuhan.

JOSUA 5:12

Laing di na sadari i ma nada mangan manna be halak Israel, dibaen nada adong be dipaijur sian langit. Jana mamungka sian hatiha i, hasil ni tano Kanaan noma dipangan halahi.

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”