JOHANNES 6:2 - BIBEL JAMITA NA DENGGAN

² Diihutkon halak na bahat i ma Ia hara ni na dung niida ni halahi angka pangalaho hahomangan na nibaenNia dompak pamalumkon angka na marnyae Ia.

JOHANNES 6:2 ပူးပေါင်းရင်းမြစ်များ

MATEUS 12:15

Diboto Jesus do na jahat roha ni halak Parise i maradopkon Ia. Dipamalum Ia ma sanga ise sian halahi na marnyae.

MATEUS 13:2

Na bahatan halak marlagut mangkaliangi Ia. Gabe masuk ma Ia tu parau, disi noma Ia juguk. Tapi anggo halak na bahat i di topi-topi ma marjongjongan.

MATEUS 14:14

Jadi di na mijur Jesus sian parau i, diida Ia ma halak na bahat i. Gabe ibo ma rohaNia mida halahi. Dipamalum Ia ma sanga ise na marnyae sian halahi.

MATEUS 8:1

Dung mijur Jesus sian dolok i, bahat do halak mangihutkon Ia.

MARKUS 1:45

Jadi kehe ma bayo i. Tapi dipupu ia ma na paboa-boahon barita i tu jae tu julu, gabe nada tarbaen Jesus be torang masuk tu kota i. Di balian noma Ia di inganan na lungun-lungun i. Tapi haru songon i pe, laing marroan do halak mandapotkon Ia sanga na sian dia i.

MARKUS 6:33

Tapi sanga do bahat halak marnida halahi kehe sian inganan i, jana ditanda halak do halahi. Diboto halahi muse do sanga na giot tu dia halahi. Gabe markehean ma halak kota na humaliang i sude marlojongi sian darat laho manjoloi Jesus dohot angka anak siseanNia i.

JOHANNES 11:47

Jadi hara ni i, dibaen angka halak Parise dohot angka sintua ni malim ma rapot, i ma rapot godang ni ugamo i. Didok halahi ma disi, “Bia noma baenonta? Bahat do dibaen Bayo i hahomangan!

JOHANNES 12:18

I do umbaen na marroan halak na bahat i mandapotkon Jesus, harana madung dibege halahi na nibaenNia hahomangan i.

JOHANNES 12:37

Madung bahat sajo angka hahomangan dibaen Jesus di jolo ni halahi. Tapi haru songon i pe nada porsaya halahi tuSia.

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JOHANNES 2:23

Hatiha di Jerusalem Jesus di Pesta Paskah i, bahat do halak na porsaya dung diida halahi angka hahomangan na nibaenNia.

JOHANNES 20:30

Laing bahat dope angka hahomangan na nibaen ni Jesus di jolo ni angka siseanNia i, tapi nada pola disuratkon anggo angka hahomangan i di bagasan buku on.

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 6:14

Dung diida halak na bahat i hahomangan na nibaen ni Jesus i, ninna halahi ma, “On ma tutu panurirang na giot ro i tu tano on!”

JOHANNES 6:22

Ancogotna i diida halak na tinggal di siborang ni dano i ma, hum sada do parau disi. Diboto halahi do na dung parjolo kehe anggo sisean ni Jesus jana na so dohot Jesus di bagasan parau i rap dohot angka siseanNia i.

JOHANNES 6:26

Dialusi Jesus ma, “Satutuna do na Hudok tu hamu: Nada hara ni na dung diastui hamu angka hahomangan na Hubaen i umbaen na nijalahanmunu Au, tapi hara ni na dung butongan do hamu mangan roti i.

JOHANNES 6:30

Didok halahi ma, “Antong anggo songon i, adong dehe tanda hahomangan sibaenonmi Guru siidaonna ni anso porsaya hami tu Ama i? Patidahon ma sanga aha do na tarbaen Ho!