JOHANNES 5:7 - BIBEL JAMITA NA DENGGAN

⁷ Dialusi bayo na marnyae i ma, “Nada adong donganku dison Tuhan na pamasuk au tu paridian i muda hatiha manggulsak aek i. Jadi hatiha giot masuk dope au tu paridian i, hape ma dipajolo halak na asing masuk.”

JOHANNES 5:7 ပူးပေါင်းရင်းမြစ်များ

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 72:12

Halak na hona sosak na so margeldok, diurupi ia, dohot na pogos na pio-pio tusia.

JOHANNES 5:2

Di Jerusalem di lambung ni “Horbangan Biri-biri,” adong do sada paridian. Di hata Ibrani digoar do i Betesda. Adong muse do lima sopo-sopo humaliang paridian i.

JOHANNES 5:3

Bahat do angka na marnyae marmodoman disi; adong na mapitung, adong na timpang, adong muse na pangpangon. [Sudena halahi painte-intehon panggulsak ni aek i.

JOHANNES 5:4

Harana sai mijur do huhul surusuruan ni Tuhan tu bagasan paridian i, manggaor aek i. Jana sanga ise sian na marnyae i parjolo masuk tu paridian i hatiha manggulsak aekna i, malum ma nyaena i; sanga na nyae aha pe angkon malum.]

JOHANNES 5:6

Diida Jesus ma ia modom disi, jana diboto Jesus ma na dung honok bayo i marnyae; gabe didok Jesus ma tusia, “Giot dehe ho malum?”

SURAT NI SI PAULUS TU PARLAGUTAN ROM 5:6

Dibaen di hatiha hagaleonta, madung mate Kristus humopkop hita angka na durako, di hatiha na dung ditontuhon ni Debata.

1 KORINTUS 9:24

Tontu sude do hamu mamboto, anggo di na marsiadu hipas marlojong, sude do halak na dohot i marlojong, hape hum sahalak do anggo na manjagit upa. Antong sahipas-hipasna ma lojongi hamu anso dapot hamu upa i.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.