JOHANNES 5:4 - BIBEL JAMITA NA DENGGAN

⁴ Harana sai mijur do huhul surusuruan ni Tuhan tu bagasan paridian i, manggaor aek i. Jana sanga ise sian na marnyae i parjolo masuk tu paridian i hatiha manggulsak aekna i, malum ma nyaena i; sanga na nyae aha pe angkon malum.]

JOHANNES 5:4 ပူးပေါင်းရင်းမြစ်များ

2 RAJA-RAJA 5:10

Jadi disuru si Elisa ma sahalak pangurupi laho mandok tu si Naaman songon on, “Kehe ma tuan i maridi pitu noli tu Batang aek Jordan, malum ma naron sude dihilala tuan i.”

MASMUR 119:60

Huompoti nada pola hupalalap laho mandalankon parentaMu.

PODA 6:4

Ulang jolo modom ho sanga na maradian.

PODA 8:17

Huhaholongi do na marholong ni roha di au; na manjalahi au, gabe dapot ia do au.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JEHESKIEL 47:8

Didok ia ma tu au, “Mamolus tu Habincaran do batang aek on manyalpui luat on lalu tu Rura ni Batang aek Jordan lopus tu Laut Mate. Muda dung lalu aekna tu bagasan Laut Mate, digonti ia ma aek laut na ancim i dohot aek tawar.

HOSEA 13:13

Adong dope hatiha na denggan di Israel laho mangolu nian, tapi songon i ma antong otona gabe nada diparhasaya ari-ari i. Songon dakdanak na giot sorang do ia, tapi nada ra ia haruar sian bortian ni inangna.

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

ZAKARIA 14:8

Di ari i, mardalan ma aek na lan sian Jerusalem; satonga sian aek i kehe tu Laut Hamatean do jana na satonga nari kehe tu Laut Tonga. Mardalan do torus aek i sasataon, bope di ari nonat sanga pe di logo ni ari.

MATEUS 11:12

Sian na mamungka si Johannes marjamita lalu tu sadari on, matua dialo halak do Harajaan Ni Banua Ginjang i jana giot manggomgomisa.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

LUKAS 13:24

“Angkon usahahononmunu do masuk mamolus sian pintu na sompit. Angke ingot hamu ma! Bahat do halak na marusaho giot masuk mamolus pintu i tapi nada tarbaensa.

LUKAS 16:16

Olat ni si Johannes Pandidi laing margogo do Tona ni ugamo na nipasahat ni si Musa, dohot angka pangajaran na adong di buku ni angka panurirang. Mamungka sian i torus ma dijamitahon Jamita Na Denggan taringot tu Harajaan Ni Debata.

JOHANNES 5:3

Bahat do angka na marnyae marmodoman disi; adong na mapitung, adong na timpang, adong muse na pangpangon. [Sudena halahi painte-intehon panggulsak ni aek i.

JOHANNES 5:5

Adong ma disi sada bayo na dung tolu pulu salapan taon honokna marnyae.

JOHANNES 5:7

Dialusi bayo na marnyae i ma, “Nada adong donganku dison Tuhan na pamasuk au tu paridian i muda hatiha manggulsak aek i. Jadi hatiha giot masuk dope au tu paridian i, hape ma dipajolo halak na asing masuk.”

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.