JOHANNES 5:38 - BIBEL JAMITA NA DENGGAN

³⁸ Nada diargahon hamu di bagasan rohamunu angka hataNia, angke na so porsaya do hamu tu halak na nisuruNia.

JOHANNES 5:38 ပူးပေါင်းရင်းမြစ်များ

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

JESAYA 26:10

Haru pe denggan Ho tu halak na jungkat, nada tarbaen halahi marsiajar na so jahat. Di negara uhum pe laing na so ture do i nada ra mangoku tu kuaso ni Tuhan i.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JOHANNES 1:11

Ro ma Ia tu luatNia sandiri, hape nada dijagit bangsoNia i Ia.

JOHANNES 15:7

Muda tinggal do hamu di bagasan Au jana pangajaranKu pe sai tinggal di bagasan rohamunu, tola ma pangidoanmunu sanga na aha pe giotmunu; nigohan ma pangidoanmunu i.

JOHANNES 8:37

Huboto do, pomparan ni si Abraham do nian hamu. Hape laing giot dibunu hamu do Au, hara ni na so ra hamu manjagit pangajaranKi.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

JOSUA 1:8

Parrohahon ma denggan anso sai tongtong disise buku niuhum i ganop maribadat hamu. Parsiajari ma buku i arian dohot borngin jana dalankon ma sude na tarsurat di bagasan buku i ulang parlayas. Muda dipatulus ho sudena i, sonang ma ngolumu jana maruntung.

1 JOHANNES 2:14

Hubaen surat on tu hamu angka dakdanak, dibaen madung ditanda hamu Ama i. Hubaen surat on tu hamu angka ama, dibaen madung ditanda hamu Ia na dung adong hian sian mula ni mulana. Hubaen surat on tu hamu angka na poso, angke gogo do hamu, jana hata ni Debata maringanan di bagasan hamu, jana madung ditaluhon hamu hajahatan i.