JOHANNES 5:36 - BIBEL JAMITA NA DENGGAN

³⁶ Tapi adong dope di Au hatorangan na ummarga sian na nilehen ni si Johannes. Karejo na nidok ni Damang karejohononKu, i ma karejo na Hubaen saonnari, sudena i patorangkon bahaso Ama i do na marsuru Au.

JOHANNES 5:36 ပူးပေါင်းရင်းမြစ်များ

MATEUS 11:4

Dialusi Jesus ma, “Mulak ma hamu, paboa hamu ma tu si Johannes sude na nibege dohot na niidamunu.

LUKAS 2:49

Dialusi Jesus ma, “Biasi pola jalak-jalahan ni amang dohot inang Au? Inda diboto amang dohot inang lakna paboa na angkon di bagas ni Damang Au?”

JOHANNES 10:25

Dialusi Jesus ma, “Madung Hudok di hamu, hape laing nada porsaya hamu. Sude angka karejo na Hukarejohon markite-hite goar ni Damang do i, angka karejongKi ma na manyaksihon taringot tu Au.

JOHANNES 11:37

Tapi adong muse do sian halahi na mandok, “Madung dibaen Ia gabe marnida na mapitung, biasi nada haantahan Ia anso ulang mate si Lasarus?”

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 17:4

Madung Hupasangap Ama i di ginjang tano on; jana madung Hupasidung karejo na nisuru ni Ama i karejohononKu.

JOHANNES 2:23

Hatiha di Jerusalem Jesus di Pesta Paskah i, bahat do halak na porsaya dung diida halahi angka hahomangan na nibaenNia.

JOHANNES 3:17

Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 5:32

Tapi adong do sada halak na asing mangalehen hasaksian taringot tu Au jana Huboto do bahaso na tutu hasaksianNia i.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

1 JOHANNES 5:9

Tahaporsayai do hasaksian ni jolma, tapi gumogo dope hasaksian ni Debata. Jana on ma hasaksian na dung dilehen Debata taringot tu AnakNia i.