JOHANNES 5:35 - BIBEL JAMITA NA DENGGAN

³⁵ Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

JOHANNES 5:35 ပူးပေါင်းရင်းမြစ်များ

2 SAMUEL 21:17

Hape ro ma si Abisai anak ni si Zeruya i mangurupi si Daud. Diroro ia ma raksasa i lalu dibunu ia. Dung intap ni i, dipangidohon parangan ni si Daud i ma anso marjanji ia na so dohot be tu parporangan. “Raja i do arop ni roha ni Israel, ulang jabat magoan hami di raja i,” ning halahi.

HARURUAR 34:35

jana diida halahi ma marsinondang bohinia. Gabe digupgupi si Musa ma bohinia i mangulahi lopus masuk ia mangulahi mangadop laho mangkatai dohot Tuhan.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

MATEUS 11:11

Ingot hamu ma! Inda adong be jolma na gumodang di tano on sian si Johannes Pandidi. Tapi haru pe songon i, halak na ummenek di Harajaan Ni Banua Ginjang laing gumodang dope i sian si Johannes.

MATEUS 21:26

Tapi muda tadok, ‘Sian jolma’, angkon hilalaonta do pangkilalaan ni halak na bahat muse. Harana sude halak marpandapot, sada panurirang do si Johannes.”

MARKUS 1:5

Markehean ma halak sian Judea dohot sian Jerusalem laho manangihon si Johannes. Dioku halahi ma dosa ni halahi, dung i dididihon si Johannes ma halahi di Batang aek Jordan.

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.

LUKAS 7:28

“Ingot hamu ma on, sian sude halak na jungada mangolu di tano on, nada adong be na gumodang sian si Johannes Pandidi. Tapi halak na ummenek di bagasan Harajaan Ni Debata, gumodangan dope i sian si Johannes Pandidi.”

JOHANNES 6:66

Mamungka sian i bahat ma sian angka siseanNia i manadingkon Ia, jana nada ra be halahi mangihutkon Ia.

2 PETRUS 1:19

I do umbaen na mur pos rohanami di barita ni Debata na nipaboa ni angka panurirang i. Denggan sajo do sugari dohot hamu mamparate-atehon barita i, angke songon lampu na marsinondang di inganan na golap do barita i jana marsinondang ma i songon sinondang ni bintang di andostorang di bagasan rohamunu.