JOHANNES 5:3 - BIBEL JAMITA NA DENGGAN

³ Bahat do angka na marnyae marmodoman disi; adong na mapitung, adong na timpang, adong muse na pangpangon. [Sudena halahi painte-intehon panggulsak ni aek i.

JOHANNES 5:3 ပူးပေါင်းရင်းမြစ်များ

1 RAJA-RAJA 13:4

Di na nibege ni si Jerobeam hata i, ditudu ia ma tu panurirang i jana marsurak ma ia mandok, “Tangkup i!” Tapi manigor toltol ma tangan ni si Jerobeam gabe nada tartarik ia be mangulahi.

PODA 8:34

Martua ma sanga ise na manangihon au, na juguk ganop ari paintehon di pintu ni bagasku.

ANDUNG 3:26

Antong, painte ma di bagasan sonang lopus ro Tuhan mangalehen partolongan.

ZAKARIA 11:17

Hona bura ma parmahan na so hasaya i. Ditadingkon ia do punguan ni biri-birinia. Paujungon ni porang ma kuasonia. Gabe gale ma tanganna i jana mapitung ma matana siamun i.”

MATEUS 15:30

Marroan ma bahat halak mandapotkon Ia maroban angka na timpang, na mapitung, na onyangon, na ngungu dohot angka na marnyae na asing. Dipayakkon halahi ma angka na marnyae i di lambung pat ni Jesus. Gabe dipamalum Jesus ma halahi.

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

LUKAS 7:22

Jadi dialusi Jesus ma suruan ni si Johannes i, ning Ia ma, “Kehe ma hamu, paboa hamu ma tu si Johannes sanga aha na niida dohot na nibegemunu: Marnida do angka na mapitung, mardalan na pangpangon, malum na huliton, marbinege na maingol, na dung mate mulak dipangolu jana Jamita Na Denggan dibaritahon tu angka na pogos.

JOHANNES 5:2

Di Jerusalem di lambung ni “Horbangan Biri-biri,” adong do sada paridian. Di hata Ibrani digoar do i Betesda. Adong muse do lima sopo-sopo humaliang paridian i.

JOHANNES 5:4

Harana sai mijur do huhul surusuruan ni Tuhan tu bagasan paridian i, manggaor aek i. Jana sanga ise sian na marnyae i parjolo masuk tu paridian i hatiha manggulsak aekna i, malum ma nyaena i; sanga na nyae aha pe angkon malum.]

SURAT NI SI PAULUS TU PARLAGUTAN ROM 8:25

Tapi muda mararop ni roha do hita tu na so taida dope, gabe sobar ma hita painte-intehonsa.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.