JOHANNES 5:27 - BIBEL JAMITA NA DENGGAN

²⁷ Madung dilehen Ia kuaso tu AnakNia laho manontuhon uhuman, harana Anak Ni Jolma i do Ia.

JOHANNES 5:27 ပူးပေါင်းရင်းမြစ်များ

MASMUR 110:6

UhumonNia noma angka bangso, jorbut marragean angka bangke di galanggang ni porang. AbisanNia noma angka parkuaso na di tano on sudena.

MATEUS 9:6

Giot patidahononKu tu hamu na markuaso do di tano on Anak Ni Jolma i laho manyesa dosa.” Dung i didok Jesus ma tu na onyangon i, “Jongjong ma ho, oban podomanmi, kehe ma ho mulak!”

JOHANNES 5:22

Nada mandabu uhum anggo Ama i sandiri sanga na tu ise pe. Angke anggo kuaso laho mandabu uhum, na dung dipasahat do i di AnakNa i.

JOHANNES 9:39

Didok Jesus ma, “Laho mandalankon uhum do umbaen na ro Au tu portibi on; anso marnida angka na mapitung jana halak na marnida gabe mapitung.”

BAENON NI ANGKA RASUL 10:42

Jana disuruhon Ia ma hami mamaritahon Jamita Na Denggan i tu bangso on, dohot mangalehen hasaksian paboa Ia do na niangkat ni Debata gabe Panguhum tu angka jolma na mangolu dohot tu angka jolma na dung mate.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

IBRANI 1:2

Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.